कलस्‍सी 2:20 - मध्‍य पुरविया थारू

²⁰ तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?

कलस्‍सी 2:20 ပူးပေါင်းရင်းမြစ်များ

युहन्‍ना 15:19

यदी तुसब अइ सन्‍सारके रहतिही त, सन्‍सारके लोकसब तोरा आपन कैहके परेम करतियौ। महज तुसब अइ सन्‍सारके नै चिही। हम तोरासबके सन्‍सारसे चुनलियौ, ओहैसे अइ सन्‍सारके लोकसब तोरासबके घिरना करैछौ।

२ कोरन्‍थी 10:3

कथिलेत हमसब सन्‍सारमे चियै तैयो सन्‍सारके लोकसब जखा हमसब आपन सतरुसबसङे लराइ-झगरा नै करैचियै।

गलाती 4:3

खिरिस्‍ट आबैसे पहिने हमसब सेहो ओहिनङे छेलियै आ अइ सन्‍सारके रितिरिबाजके अधिनमे छेलियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

एफिसी 2:15

उ यहुदी आ गैर-यहुदीसबके सान्‍ती दैले आ ओकरमे लबका जाती बनाइले कुरूसमे मैरके बेबस्‍था आ नियमके रध करल्‍कै,

कलस्‍सी 2:14

उ अपनासबके बिरोधमे लिखल सब तमसुक आ दाबीसब सङे रद कैरदेल्‍कै आ कुरूसमे किला ठोइकके नास कैरदेल्‍कै।

कलस्‍सी 2:16

अहै खातिर खान-पिन या पाबैनके दिन या अमसियाके दिन कि पबितर बिसराम दिन मानैके बिसयमे कोइ दोस लगाइछौ त, ओहेन बातसबमे धियाने नै लगा।

कलस्‍सी 2:21

आब तुसब “यि चलाइले नै मिल्‍तौ, यि छुबैले नै मिल्‍तौ, चिखैले नै मिलतौ” कहैबला सन्‍सारके नियमसब नै मानैले परतौ।

कलस्‍सी 2:8

होसियार रह, कोइ नै तोरासबके दरसन सास्‍तर या लोकसबके छल कपटसे बातमे फसाबे। एहेन बातसब खिरिस्‍टसे नै महज लोकसबके परम्‍परा आ सन्‍सारके सिक्‍छासे एलछै।

कलस्‍सी 3:3

कथिलेत तोरासबके पुरन्‍का जिबन मरलछौ आ तोरासबके लया जिबन खिरिस्‍टसङे परमेस्‍वरमे घोसरलछौ।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।