कलस्‍सी 2:16 - मध्‍य पुरविया थारू

¹⁶ अहै खातिर खान-पिन या पाबैनके दिन या अमसियाके दिन कि पबितर बिसराम दिन मानैके बिसयमे कोइ दोस लगाइछौ त, ओहेन बातसबमे धियाने नै लगा।

कलस्‍सी 2:16 ပူးပေါင်းရင်းမြစ်များ

मतीके लिखल सुसमाचार 15:11

कोनो भि चिज मुह भितर ढुकैछै उ चिज लोकके असुध नै करैछै, महज जे बात मुहसे बाहर निकलैछै, ओहे बात लोकके असुध करैछै।”

मरकुस 7:19

उ त ओकर हिरदयमे नै महज पेटमे ज्‍याके बाहर निकैल जाइछै।” (अहिनङे येसु सब खाइबला खानाके सुध चियै कैहके समझेल्‍कै।)

परेरित 15:20

महज उसब यि बात लिखके पठेल्‍कै, कि उसब ‘मुरुतके चरह्‍याल चिजसबसे, बेबिचारसे, कन्‍ठ दाइबके अरथात लहु नै बह्‍याके मारल पसुके मौस आ लहुसे अलग रहे।’

रोमी 14:10

अनङ छै त तुसब कथिले आपन बिस्‍बासी भाइसबके दोस लगाइचिही? कथिले आपन बिस्‍बासी भाइसबके तुच्‍छ ठानैचिही? कथिलेत अपनासब सबकोइ परमेस्‍वरके नियाय करैबला ठामके अगा खरा हैले परतौ।

गलाती 4:10

तोरासबके बिसेस दिन, महिना, रितु आ बरिसके पबितर चलन मानैले लागल चिही।

कलस्‍सी 2:20

तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

याकुब 4:11

हे भाइ-भैयासब, तुसब एक-दोसरके बिरोधमे खराब बात नै बोल। जे आपन भाइके बिरोधमे खराब बात बोल्‍तै या आपन भाइके दोख लगाइतै, उ बेबस्‍थाके बिरोधमे बोल्‍तै आ बेबस्‍थाके दोस लगाइतै। यदि तु बेबस्‍थाके दोसी ठहराइचिही त, तु बेबस्‍थामे लिखल अनुसार नै चलैचिही, महज तु आपनेके बेबस्‍थासे बेसी अधिकार भेल नियायधिस सम्‍झैचिही।