कलस्‍सी 2:15 - मध्‍य पुरविया थारू

¹⁵ उ आत्‍मिक दुस्‍ट सक्‍तिसबके आ अधिकार सबके नस्‍ट करल्‍कै आ खिरिस्‍टके कुरूस दुवारा ओकरासबके हरेल्‍कै। उ ओइसबके खुलम खुल्‍ला तमासा बन्‍यादेल्‍कै।

कलस्‍सी 2:15 ပူးပေါင်းရင်းမြစ်များ

मतीके लिखल सुसमाचार 12:29

जाबेतक पहिने बौकार लोकके नै बान्‍हतै ताबेतक कि ओकर घरके धन-सम्‍पती लुटे सक्‍तै? पहिने ओइ बौकार लोकके बान्‍हतै तब मातरे ओकर घरके धन-सम्‍पती लुटे सक्‍तै।

लुका 10:18

तब येसु ओकरासबके कहल्‍कै, “हमे सैतानके स्‍वरगसे बिजली जखा खसैत देखलियै।

लुका 11:22

महज ओकरसे सक्‍तिसाली लोक आइबके हमला कैरके जितलेतै त, ओकरमे भर परलहा सब हथियारसब छिनके ल्‍याजेतै आ ओकर लुटल सरसमानसब आपनमे बाँटतै।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 19:30

तब येसु उ पिके कहल्‍कै, “आब पुरा भेलै।” तकरबाद उ आपन मुरी तर कैरके परान तियाइग देल्‍कै।

१ कोरन्‍थी 15:24

तब सन्‍सारके अन्‍त हेतै। तैबखत सब सासन, अधिकार आ सक्‍तीके नास कैरके खिरिस्‍ट आपन पुरे राज परमेस्‍वर पिताके सोइपदेतै।

२ कोरन्‍थी 2:14

परमेस्‍वरके धन्‍यबाद हेबे, उ अपनासबके खिरिस्‍टमे सबदिन बिजयके लेल चलाबैछै। ओकर ग्‍यानके गमक अपनासबसे हरेक जगहमे फैलाबैछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

एफिसी 3:10

अहिनङके मन्‍डलीसे परमेस्‍वरके सब किसिमके ग्‍यान स्‍वरगके ठामसबके सासकसब आ अधिकारीसबके बिचमे परकट करे।

एफिसी 4:8

पबितर धरमसास्‍तरमे एहेन लिखल छै, “उ उच जगहमे जाइबखत बहौत कैदीसबके आपनसङे ल्‍यागेलै आ लोकसबके उपहारसब देल्‍कै।”

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

कलस्‍सी 1:16

कथिलेत स्‍वरग आ पिरथिबीमे भेल सब चिज ओकरेसे सिरिस्‍टी भेलै। देखापरैबला आ नै देखापरैबला सब चिज, चाहे सिंहासन या सक्‍तीसब हेबे, सासकसब आ अधिकार चलाइबलासब, यि सब चिज खिरिस्‍टेसे आ खिरिस्‍टेके खातिर सिरिस्‍टी भेलै।

कलस्‍सी 2:10

खिरिस्‍टमे तोरासबके जिबन पुरा भेलछौ। वह्‍या सब सासन आ अधिकारके सिर चियै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।