कलस्‍सी 2:12 - मध्‍य पुरविया थारू

¹² कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

कलस्‍सी 2:12 ပူးပေါင်းရင်းမြစ်များ

लुका 17:5

तब परेरितसब येसुके कहल्‍कै, “परभु हमरासबके बिस्‍बास बरहा दिय।”

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

रोमी 4:24

महज अपनोसबके लेल लिखलगेल छै। जे कोइ अपनासबके परभु येसुके मरलसे जिबित करैबला परमेस्‍वरमे बिस्‍बास करैछै, ओकरा परमेस्‍वर धरमी ठहराइछै।

रोमी 7:4

अहैलेल हे हमर भाइ-भैयासब, तुसब खिरिस्‍टसङे बेबस्‍थाके लेल मरल चिही त तुसब सेहो खिरिस्‍टेसङे मरलसे जिबित भ्‍याके एक भेलचिही, ताकी अपनासब परमेस्‍वरके लेल असल काम करैले सकी।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

१ कोरन्‍थी 15:20

बास्‍तममे, खिरिस्‍ट त मरलसे जीयाल छै, जे मरलसबमेसे पहिल्‍का फल चियै।

गलाती 3:27

तोरासबमेसे जतहेक गोरे खिरिस्‍टमे बप्‍तिस्‍मा लेनेचिही, तु सबकोइ खिरिस्‍टके धारन करनेचिही।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

एफिसी 4:5

एके परभु, एके बिस्‍बास आ एके बप्‍तिस्‍मा छै।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

कलस्‍सी 2:13

तुसब पाप करलाके कारन आ बेबस्‍था अनुसार खतना नै करैबला गैर-यहुदी लोक भेलासे एक समय तुसब आत्‍मिक रुपमे मरल छेल्‍ही। महज आब त परमेस्‍वर तोरासबके खिरिस्‍टसङे जियाइनेछौ आ अपनासबके सब पाप छमा कैरदेनेछौ।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 6:2

बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।