कलस्‍सी 1:18 - मध्‍य पुरविया थारू

¹⁸ मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।

कलस्‍सी 1:18 ပူးပေါင်းရင်းမြစ်များ

मतीके लिखल सुसमाचार 23:8

“तोरासबके कोइ गुरु नै कहौक कथिलेत तुसब त भाइ-भाइभैयारीसब चिही। तोरासबके एकेटा मातरे गुरु छौ।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

युहन्‍ना 1:1

सिरिस्‍टी हैसे पहिने बचन रहै। बचन परमेस्‍वरसङे रहै आ बचने परमेस्‍वर रहै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

युहन्‍ना 1:27

हमरसे पछा आबैबला ओह्‍या चियौ। जकर हम जुताके फितो तक खोलैके जोकर नै चियै।”

परेरित 26:23

खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

१ कोरन्‍थी 12:27

हमर कहैके मतलब यि चियै कि, तुसब खिरिस्‍टके देह चिही आ हरेक बिस्‍बासी उ देहके अङसब चिही।

१ कोरन्‍थी 15:25

कथिलेत खिरिस्‍ट आपन सब दुस्‍मनसबके आपन टाङके तरमे नै राखैतलिक ओकरा राज करैये परतै।

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

एफिसी 5:23

कथिलेत घरबला घरबालीके सिर चियै, जनङ खिरिस्‍ट मन्‍डलीके सिर चियै, जे मन्‍डली ओकर देह आ उ स्‍वयम मन्‍डलीके मुक्‍ती दैबला चियै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

कलस्‍सी 2:19

अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 1:8

सरबसक्‍तिमान परभु परमेस्‍वर कहैछै, “सुरु आ अन्‍त हम्‍ही चियै।” हम उहे चियै, जे छै, जे छेलै आ जे एतै।

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

परकास 21:6

उ हमरा कहल्‍कै, “आब सबकाम पुरा भ्‍यागेलै! अल्‍फा आ ओमेगा, सुरु आ अन्‍त हम्‍ही चियै। जकरा-जकरा पियास लागल छै, हम ओइसबके मङनिएमे जिबनके पानीके भबसे पियैले देबै।

परकास 22:13

हम अल्‍फा आ ओमेगा, पहिन्‍का आ पछिल्‍का, सुरु आ अन्‍त चियौ।”

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।