कलस्‍सी 1:11 - मध्‍य पुरविया थारू

¹¹ परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

कलस्‍सी 1:11 ပူးပေါင်းရင်းမြစ်များ

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

१ कोरन्‍थी 16:13

होसियार भ्‍याके बिस्‍बासमे अरल रह। साहसी आ बौकार हो।

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,

यहुदा 1:25

अपनासबके परभु येसु खिरिस्‍ट दुवारा, अपनासबके मुक्‍ती दैबला एक मातरे परमेस्‍वरके सब आदर, महिमा, सक्‍ती आ अधिकार जुगो-जुग तलिक हैतरहे। आमेन।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।