कलस्‍सी 1:10 - मध्‍य पुरविया थारू

¹⁰ तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

कलस्‍सी 1:10 ပူးပေါင်းရင်းမြစ်များ

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

युहन्‍ना 15:8

जब तुसब बहुत फल फराइबिही त हमर पिताके महिमा परकट हेतै आ तुसब हमर असल चेला चिही से बात परमानित हेतौ।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

रोमी 4:12

अहिनङे यहुदीसब खतना कैरके मातरे नै, महज उसब अबराहम जखा बिस्‍बासमे चलैके कारन अबराहम उ यहुदीसबके सेहो आत्‍मिक पुरखा भेलै।

रोमी 6:4

ओहैसे अपनासब सेहो ओकरसङे बप्‍तिस्‍मा दुवारा मैरके गारलगेलियै। जहिनङ सक्‍तिसाली परमेस्‍वर पिता आपन महिमा दुवारा येसु खिरिस्‍टके मरलसे जिबित करल्‍कै। आब अपनोसब पुरन्‍का जिबन जियैले छोइरके लया जिबनमे खिरिस्‍टसङे जिएपरतौ।

२ कोरन्‍थी 2:14

परमेस्‍वरके धन्‍यबाद हेबे, उ अपनासबके खिरिस्‍टमे सबदिन बिजयके लेल चलाबैछै। ओकर ग्‍यानके गमक अपनासबसे हरेक जगहमे फैलाबैछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 5:9

ओहैसे हमसब चाहे देहमे या चाहे देहसे अलग रैहके, ओकरा खुसी बनाबैके हमरासबके लक्‍छ चियै।

२ कोरन्‍थी 9:8

परमेस्‍वर तोरासबके हरेक परकारके आसिस परसस्‍त कैरके दैले सक्‍तौ, ताकि तोरासबसङे सबदिन हरेक चिज परसस्‍त हेबे आ हरेक असल कामके लेल तुसब परसस्‍त कैरके दैले सक।

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

एफिसी 4:13

अपनासब बिस्‍बास आ परमेस्‍वरके बेटाके ग्‍यानमे एक भेल आ खिरिस्‍टके पुर्‌नताके नाप अनुसार पकिया लोक बनल उ चाहैछै।

एफिसी 5:10

कोन-कोन बातसे परभु खुस हैछै, से सिखैले कोसिस कर।

एफिसी 5:15

अहै खातिर, केहेन चालचलन चले परतौ तैमे निकसे धियान दहै, मुरुख नै महज बुधिमान हो।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

कलस्‍सी 2:19

अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।

कलस्‍सी 2:6

जहिनङ खिरिस्‍ट येसुके तुसब परभु कैहके सुइकार करलिही तहिनङ तुसब ओकरमे रैहके जिबन बिता।

कलस्‍सी 3:20

हे धियापुतासब, तुसब हरदम आपन बाप-महताइरके कहल सब बातसब मान कथिलेत अनङ करलासे परभु खुस हैछै।

कलस्‍सी 4:5

येसु खिरिस्‍टके बिस्‍बास नै करैबलासबसङे बेबहार करैतखिना बुइध पुगाके कर आ तोरासबके भेटल सब मौकाके पुरा रुपसे परयोग कर।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

२ तिमोथी 2:4

सैनिक सेबामे भरती भेल लोक औरो धन्‍धा नै करैछै, कथिलेत ओइसबके उदेस्‍य आपन सेनापतीके खुस करनाइ रहैछै।

तितस 3:1

सासक आ अधिकारीसबके अधिनमे रैहके ओइसबके बात माने परैछै कैहके आपन बिस्‍बासीसबके सिखा। भलाइके सब काममे हरदम तैयार रहेपरैछै कैहके सम्‍झा-बुझ्‍हा।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

हिबरु 11:5

बिस्‍बासके कारन हनोक नै मरलै, परमेस्‍वर ओकरा जिते अइ धरतीसे उठाके स्‍वरग ल्‍यागेलै आ कोइ नै ओकरा फेनसे देखल्‍कै, कथिलेकी परमेस्‍वर ओकरा ल्‍यागेलछेलै। हनोक स्‍वरगमे लजाइसे पहिने उ परमेस्‍वरके मनपरैबला जिबन बिताइने छेलै कैहके पबितर धरमसास्‍तरमे लिखलछै।

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

२ पतरुस 1:8

यदि तोरासबमे यि गुनसब परसस्‍त कैरके बरहैत जेतौ त, अपनासबके परभु येसु खिरिस्‍टके ग्‍यानमे तुसब बहौत काम लागैबला आ फल फराइबला हेब्‍ही।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

१ युहन्‍ना 3:22

तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

३ युहन्‍ना 1:6

उसब तोहर परेमके बारेमे मन्‍डलीमे साक्‍छी देनेछै। तु परमेस्‍वरके नजरमे मनपरैबला हिसाबसे ओइसबके यातरामे अगा बरहैके लेल मदत करबिही त असल हेतौ।