परेरित 9:15 - मध्‍य पुरविया थारू

¹⁵ महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 9:15 ပူးပေါင်းရင်းမြစ်များ

मतीके लिखल सुसमाचार 10:18

हमर खातिर रजा आ सासकसबके अगामे तोरासबके ठार करतौ। तुसब ओकरासबके आ गैर-यहुदीसबके अगा हमर बारेमे गबाही देबही।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 21:19

पाबल ओइसबके गोरलगी करलाके बाद ओकर सेबकाइसे गैर-यहुदीसबके बिचमे सुसमाचार परचार करैबखत परमेस्‍वर केहन-केहन काम करल्‍कै, से सब बात ओकरासबके कहल्‍कै।

परेरित 22:14

तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

परेरित 25:22

तब यि बात सुइनके अगरिपास फेस्‍तसके कहल्‍कै, “हमरा आपनेसे ओकर बात सुनैले मन लाग्‍लै।” तब उ कहल्‍कै, “अहाँ बिहाने ओकर बात सुइनलेबै।”

परेरित 26:1

तकरबाद अगरिपास पावलके कहल्‍कै, “अहाँके आपन पक्‍छमे बोलैके अनुमति छै।” तब पावल आपन हाथ पसारके आपन सफाइ देबेलाग्‍लै-

परेरित 26:32

अगरिपास फेस्‍तसके कहल्‍कै, “यदी यि कैसरसे बिन्‍ती नै करने रहतियै त अकरा छोइर देतियै।”

परेरित 27:24

‘हे पावल, नै डेरा! तोरा कैसरके अगा ज्‍याके ठार हैये परतौ आ परमेस्‍वर तोरा दया करलाके कारन तोहर सङे जहादमे चरलहा सबके परान परमेस्‍वर बचाइने छौ।’

परेरित 28:17

तिन दिनके बाद पावल रोमके यहुदी अगुवासबके बोलाइल्‍कै। जब उसब एक ठाम जमा भेलै ओइसबके कहल्‍कै, “हौ दाजु-भाइसब, हम त आपन जातके लोकसबके आ पितापुरखाके रितिरिबाजके बिरोधमे कुछो नै कैलाके बादो यरुसलेमके यहुदी दाजु-भाइसब बन्‍दी बनाके रोमीसबके हाथमे सौप देलक।

परेरित 28:28

“अहैलेल तोरासबके थाह हेबे कि परमेस्‍वरके यि मुक्‍ती गैर-यहुदीके लेल पठालगेल छै आ उसब सुन्‍तै।”

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 11:13

आब हम गैर-यहुदीसबके कहैचियौ, हम त गैर-यहुदीसबमे सुसमाचार परचार करैके लेल खिरिस्‍टके एक परेरित चियै। हम आपन यि सेबाके बिसेस महत्‍व दैचियै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 9:16

यदि हम सुसमाचार परचार करैचियै त ओइमे घमन्‍ड करैबला कोनो कारन नै छै, कथिलेत यि काम हमरा करैयै परतै। हम सुसमाचार परचार नै करबै त हमरा धिक्‍कार छै।

गलाती 1:1

हम पावल, परेरित हैले लोकसबसे या कोनो लोकसे नै एलचियै, महज येसु खिरिस्‍टसे आ ओकरा मरलसे जियाइबला परमेस्‍वर पितासे पठालगेल चियै।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

२ तिमोथी 2:4

सैनिक सेबामे भरती भेल लोक औरो धन्‍धा नै करैछै, कथिलेत ओइसबके उदेस्‍य आपन सेनापतीके खुस करनाइ रहैछै।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।