परेरित 9:11 - मध्‍य पुरविया थारू

¹¹ परभु आग्‍या करैत कहल्‍कै, “उठ आ सोझ्‍का गल्‍ली नामके रस्‍तामे जो आ यहुदाके घरमे टारससके बासि साउल नामके लोकके खोज, ओते उ परथना कैर रहल छौ।

परेरित 9:11 ပူးပေါင်းရင်းမြစ်များ

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

परेरित 11:13

करनेलियस हमरासबके सुनाइल्‍कै, एकटा स्‍वरगदुत हमर घरमे ठार भ्‍याके एहेन कहैत हम देखलियै, ‘योप्‍पामे लोकसबके पठाके पतरुस कहाइबला सिमोनके बोल्‍याके आन।

परेरित 11:25

तकरबाद साउलके ताकैले बरनाबास टारसस सहर दिसन गेलै।

परेरित 2:21

महज जे कोइ परमपरभुके नाम लेतै, से कोइ उदार पाबतै।’”

परेरित 21:39

पावल कहल्‍कै, “जी नै, हजुर! हम त किलिकिया टारसस सहरमे जलमल्‍हा एकटा यहुदी चियै। हम ओहै नाम चलल सहरके एकटा नागरिक चियै। दया कैरके हमरा यि लोकसबके अगा कुछ बात बोलैले दिय।”

परेरित 22:3

तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

परेरित 8:22

आब तु आपन भरस्‍ट मनके लेल पस्‍चाताप कर आ परभुसे परथना कर, भ्‍या सकैछौ त तोहर मनके एहेन बिचार देखके छमा कैरदेतौ।

परेरित 8:26

परमेस्‍वरके एकटा स्‍वरगदुत फिलिपके कहल्‍कै, “तु अतेसे दछिन मुहे यरुसलेमसे गाजा दिसन जाइबला रस्‍तामे जो। यि उजार जगहके रस्‍ता चियै।”

परेरित 9:30

महज यि बात जाइनके बिस्‍बास करैबला भाइ-भैयारीसब ओकरा कैसरिया सहरमे ल्‍यागेलै आ ओतेसे ओकर सहर टारससमे पठादेल्‍कै।