परेरित 8:22 - मध्‍य पुरविया थारू

²² आब तु आपन भरस्‍ट मनके लेल पस्‍चाताप कर आ परभुसे परथना कर, भ्‍या सकैछौ त तोहर मनके एहेन बिचार देखके छमा कैरदेतौ।

परेरित 8:22 ပူးပေါင်းရင်းမြစ်များ

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परेरित 3:19

तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,

परेरित 8:20

महज पतरुस कहल्‍कै, “सत्‍यानास हेबे तु आ तोहर पैसा-कौरी, कथिलेत परमेस्‍वरके बरदान रुपैया-पैसासे किने मिल्‍तै से बिचार करलिही।

परेरित 9:11

परभु आग्‍या करैत कहल्‍कै, “उठ आ सोझ्‍का गल्‍ली नामके रस्‍तामे जो आ यहुदाके घरमे टारससके बासि साउल नामके लोकके खोज, ओते उ परथना कैर रहल छौ।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

परकास 2:21

हम ओकरा पस्‍चाताप करैले समय देलियै महज उ आपन बेबिचारसे पस्‍चाताप करैले इन्‍कार करल्‍कै।