परेरित 7:55 - मध्‍य पुरविया थारू

⁵⁵ महज उ पबितर आत्‍मासे भरपुर भ्‍याके एकटक लग्‍याके स्‍वरग दिसन ताकल्‍कै, ओते उ परमेस्‍वरके इजोत चम्‍कैत आ परमेस्‍वरके देहनाकता येसुके ठारभेल देखल्‍कै।

परेरित 7:55 ပူးပေါင်းရင်းမြစ်များ

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

युहन्‍ना 11:41

तब उसब चिहानके मुहमे राखलहा पथल हटाइल्‍कै। तब येसु उपर दिसन ताइकके कहल्‍कै, “हे पिता, हम अहाँके धन्‍यबाद दैचियै, कथिलेत अहाँ हमर बिन्‍ती सुनलियै।

युहन्‍ना 12:41

यसैया यि बात कहल्‍कै, कथिलेकी उ येसुके महिमा देखल्‍कै आ ओकर बारेमे बाज्‍लै।

युहन्‍ना 14:3

हम ज्‍याके तोरासबके खातिर ठाम तयार करलाके बाद फेनो एबौ आ तोरासबके आपनलग ल्‍याजेबौ, तैल्‍याके हम जते रहैचियै ओतै तुहुसब हमरसङे रहबिही।

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

परेरित 4:8

तब पबितर आत्‍मासे भरपुर भ्‍याके पतरुस ओइसबके कहल्‍कै, “लोकसबके सासक आ अगुवासब,

परेरित 6:10

महज स्‍तिफनसके बोलैत खिना पबितर आत्‍मा अतहेक निक बुइध देल्‍कै कि उसब ओकर सामने नै टिके सक्‍लै।

परेरित 6:3

तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 6:8

स्‍तिफनस परमेस्‍वरके किरपा आ सक्‍तीसे भरपुर भ्‍याके लोकसबके बिचमे बरका-बरका अचमके काम आ चेन्‍हासब देखेल्‍कै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 8:1

हमसब यि बात कहैले चाहैचियै कि, अपनासबके एहेन परधान पुजारी छै, जे स्‍वरगके महान परमेस्‍वरके सिंहासनके दहिनाकात बिराजमान छै।

२ पतरुस 1:17

जब उ परमेस्‍वर पितासे आदर आ महिमा पाबल्‍कै, तब परमेस्‍वर महा महिमासे एहैन आबाज एलै, “यि हमर दुलरुवा बेटा चियै, जकरसे हम बहुत खुसी चियै।”

परकास 21:11

उ सहर परमेस्‍वरके महिमासे भरल छेलै आ उ बहुमुल्‍य रत्‍न, मोती आ मनी जखा चम्‍कैछेलै।