परेरित 7:38 - मध्‍य पुरविया थारू

³⁸ मोसा उजार जगहमे अपनासबके पुरखासबसङे छेलै। ओते स्‍वरगदुत ओकरजरे सिनै परबतमे बोलल छेलै आ स्‍वरगदुतसे पाबल जिबित बचनसब इजराएलीसबके सुनेल्‍कै।

परेरित 7:38 ပူးပေါင်းရင်းမြစ်များ

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

परेरित 7:30

“चालिस बरिसके बाद सिनै पहाड़के नजदिक उजार जगहमे जरैत झारके धिधरामे एकटा स्‍वरगदुत मोसाके देखाब देल्‍कै।

परेरित 7:35

“यि ओह्‍या मोसा चियै, जकरा उसब ‘के तोरा हाकिम आ नियाय करैबला बनेल्‍कौ’ कैहके असुइकार करने रहै, ओकरा परमेस्‍वर ओहै झारमे स्‍वरगदुत सङे हाकिम आ छुटकारा दैबला बनाके पठाइल्‍कै।

परेरित 7:53

तोरौरके ओह्‍या लोकसब चिही जे स्‍वरगदुतसब दुवारा परमेस्‍वरके बेबस्‍था त पाबलिही महज ओकर पालन नै करलिही।”

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

रोमी 9:4

उसब इजराएली चियै आ परमेस्‍वर ओकरासबके आपन बेटा-बेटीसब बनेल्‍कै। उ आपन महिमा ओकरासबके परकट करल्‍कै। ओकरासबसङे करार बानहल्‍कै, बेबस्‍था देल्‍कै आ आराधना करैले सिखेल्‍कै। उसब ओकर परतिग्‍या पाबल्‍कै।

गलाती 3:19

तब बेबस्‍था कथिले देल्‍कै? पाप चिन्‍हाबैके लेल देल्‍कै आ परतिग्‍या करल अबराहमके सन्‍तान नै आबैतक ओकर आवसेक परलै। परमेस्‍वर कुछ स्‍वरगदुतसबसे बेबस्‍था मोसाके देल्‍कै, उ परमेस्‍वर आ लोकके बिचमे मिलाप कराइबला छेलै।

हिबरु 2:2

कथिलेकी स्‍वरगदुतसबसे घोसना करल सन्‍देस सत छेलै आ जे कोइ ओइके पालन नै करल्‍कै या नै टेरल्‍कै, सेसब दन्‍ड पाबल्‍कै।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

हिबरु 5:12

तोरासबके बिस्‍बास करला अतहेक दिन भेलछौ कि तुसब सिक्‍छक भ्‍याजेबाके चाही, महज अखुनो तोरासबके कोइ कोइ परमेस्‍वरके बचनके छोट छोट बात सिखाबे परलछै। तोरासबके ठोस भोजन नै, बल्‍की बच्‍चा जखा दुधके आबसेक्‍ताछौ।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।