परेरित 6:14 - मध्‍य पुरविया थारू

¹⁴ कथिलेत एहेनङे कहैत हमसब सुनलियै, नासरतके येसु यि मन्‍दिरके नास करतै आ मोसाके देल्‍हा चलनसब बदैल देतै।”

परेरित 6:14 ပူးပေါင်းရင်းမြစ်များ

मतीके लिखल सुसमाचार 26:61

“यि आदमी त, ‘हम परमेस्‍वरके मन्‍दिरके तोरइके तिन दिनमे ओकरा निरमान करे सकैचियै’ कहल्‍कै।”

मरकुस 14:58

“हमसब सुनलियै कि, ‘लोकके हाथसे बन्‍याल यि मन्‍दिरके तोइर देबौ आ तिन दिनमे लोकके हाथसे नै बनल दोसर मन्‍दिर निरमान करबौ।’”

लुका 21:24

दुस्‍मनसब ओइसबके तरबारसे काइटके मारतौ। ओकरा बन्‍दी बनाके देस-देसमे ल्‍याजेतौ। तब आन जातसे समय पुरा नै छै तक उसब यरुसलेमके टाङके तरमे दाइबके राख्‍तौ।”

लुका 21:6

“तोरासबके जे देखरहलचिही, ऐहनो बखत एतौ जब एकटा पथलके उपर दोसर पथल नै रहतौ, उ सब भहैरके गिरजेतौ।”

युहन्‍ना 2:19

येसु ओइसबके जबाफ देल्‍कै, “यि मन्‍दिरके उजाइरदहै, हम अकरा फेनसे तिन दिनमे ठार कैरदेबौ।”

युहन्‍ना 4:21

येसु ओकरा जबाब देल्‍कै, “हे जनि, हमरा बिस्‍बास कर, उ समय आइबरहलछौ, जब तुसब नै त यि पहारमे नै त यरुसलेममे पिताके आराधना करबिही।

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

परेरित 21:21

उसब अहाँके बारेमे सुन्‍नेछै जे, गैर-यहुदीके बिचमे रहैबला यहुदीसबके अहाँ ‘मोसाके धरम नियमके आ ओकरासबके बाल-बच्‍चासबके खतना नै करैके आ रितिरिबाज पालन नै करैले’ कैहके सिखाइचियै।

परेरित 25:8

तब पावल आपन पक्‍छमे बोले लाग्‍लै, “हम नै त यहुदी नियमके बिरोधमे, नै मन्‍दिरके बिरोधमे आ नै कैसरके बिरोधमे कोनो अपराध करनेचियै।”

परेरित 26:3

कथिलेकी अहाँ यहुदीसबके रितिरिबाजसे भिनल आ बाद-बिबाद हैबला बातसबसे जानकार लोक भेलाके कारन हमर बात धियान द्‍याके सुइन दिय कैहके बिन्‍ती करैचियै।

परेरित 28:17

तिन दिनके बाद पावल रोमके यहुदी अगुवासबके बोलाइल्‍कै। जब उसब एक ठाम जमा भेलै ओइसबके कहल्‍कै, “हौ दाजु-भाइसब, हम त आपन जातके लोकसबके आ पितापुरखाके रितिरिबाजके बिरोधमे कुछो नै कैलाके बादो यरुसलेमके यहुदी दाजु-भाइसब बन्‍दी बनाके रोमीसबके हाथमे सौप देलक।

गलाती 3:19

तब बेबस्‍था कथिले देल्‍कै? पाप चिन्‍हाबैके लेल देल्‍कै आ परतिग्‍या करल अबराहमके सन्‍तान नै आबैतक ओकर आवसेक परलै। परमेस्‍वर कुछ स्‍वरगदुतसबसे बेबस्‍था मोसाके देल्‍कै, उ परमेस्‍वर आ लोकके बिचमे मिलाप कराइबला छेलै।

गलाती 3:23

खिरिस्‍टमे बिस्‍बास करैबला बाट परकट नै हैसे पहिने हमसब बेबस्‍थाके अधिनमे छेलियै आ हमसब कैदी जखा भेलछेलियै।