परेरित 5:42 - मध्‍य पुरविया थारू

⁴² उसब सबदिन मन्‍दिर आ घर-घरमे ज्‍याके येसुवे खिरिस्‍ट चियै से कैहके सिक्‍छा दैले आ परचार करैले नै छोरल्‍कै।

परेरित 5:42 ပူးပေါင်းရင်းမြစ်များ

लुका 21:37

येसु सबदिन मन्‍दिरमे सिक्‍छा दैछेलै आ रातके जैतुन पहारके टुप्‍पीमे ज्‍याके रात बिताबै छेलै।

लुका 22:53

हम सबदिन मन्‍दिरमे तोरेऔरकेसङे छेलियौ। महज हमरा पकरैले तोरौरके साहस नै करलिही। आब तोरौरके काम करैबला समय उहे चियौ आ सैतानके सक्‍ती ऐहनङे राज करतौ।”

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 13:32

हमसब यि सुसमाचार सुनाइले एलचियौ, जे बात परमेस्‍वर अपनासबके पुरखासबके परतिग्‍या करने रहौ।

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 17:3

उ धरम सास्‍तरसे परमान द्‍याके ओइसबके अनङके अरथ खोइलके बुझहेल्‍कै, “मुक्‍ती दैबला परभु येसु खिरिस्‍टके दुख भोइगके मरे परतियै आ मरके जि उठे परतियै, तब अकरे सुसमाचार हम तोरौरके सुनाइचियौ, जे मुक्‍तीदैबला खिरिस्‍ट चियै।”

परेरित 2:46

उसब एकेमन भ्‍याके सबदिन मन्‍दिरमे जमा हैछेलै, घर-घरमे परभु भोज करै आ सबकोइ खुसी मनसे मिल-जुइलके खाइछेलै,

परेरित 20:20

तोरासबके सहायता हैबला कामसब सब लोकसबके बिचमे परचार करैले आ तोरासबके घर-घरमे सेहो ज्‍याके सिक्‍छा दैले नै छोरलियौ।

परेरित 4:20

कथिलेत जे बात देखने चियै आ सुनने चियै हमसब नै कैहके नै रहे सक्‍बै।”

परेरित 4:29

हे परभु, ओकरासबके धम्‍किके देखु आ अहाँके सेबकसबके सक्‍ती दिय ताकि साहसके साथ अहाँके बचन परचार करैले दिय,

परेरित 8:35

तब फिलिप पबितर धरमसास्‍तरके एह्‍या पाठसे सुरु कैरके ओकरा येसुके सुसमाचार सुनाइल्‍कै।

परेरित 8:5

फिलिप सामरियाके एकटा सहरमे ज्‍याके येसुवे खिरिस्‍ट चियै कैहके परचार करे लाग्‍लै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

१ कोरन्‍थी 2:2

हम तोरासबके लग रहैतखिना येसु खिरिस्‍ट आ कुरूसमे भेल ओकर बलिदान बाहेक किछो नै बोलैके पक्‍का करनेछेलियै।

गलाती 1:16

परमेस्‍वर हमरेसे गैर-यहुदीमे परचार हेबे कैहके आपन बेटाके हमरलग परकट करल्‍कै। तै बखत हम कोनो लोकसे सरसल्‍लाह नै करलियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।