परेरित 5:14 - मध्‍य पुरविया थारू

¹⁴ तब परभुमे बिस्‍बास करैबला बहुत मरद आ जनिसबके भिर औरो बेसी बरहे लाग्‍लै।

परेरित 5:14 ပူးပေါင်းရင်းမြစ်များ

परेरित 11:24

कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

परेरित 22:4

परभुके बाटमे लागल लोकसबके सताइत-सताइत जानसे माइर दैछेलियै। हम्‍ही मरद आ जनी सबके पकैर-पकैरके ढोकैले लगाइ छेलियै।

परेरित 4:4

महज बचन सुनैबला बहौत लोकसब बिस्‍बास करल्‍कै आ बिस्‍बास करैबला मरद-पुरुख बैढके पाँच हजार भेलै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

परेरित 8:12

जब उसब फिलिपके सुन्‍याल सुसमाचारसे परमेस्‍वरके राज आ येसु खिरिस्‍टके नाममे बिस्‍बास करल्‍कै, तब मरद आ जनिसब बप्‍तिस्‍मा लेबे लाग्‍लै।

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

परेरित 9:2

आ उ दमस्‍कसके सभाघरसबके नाममे पुरजी माङल्‍कै, चाहे उ मरद हेबे या जनि, परभुके बाटमे चलैबला ओइसबके पकैरके यरुसलेम आने सकि कैहके अधिकार माङल्‍कै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

परेरित 9:35

लुड्‍डा आ सारोनमे रहैबला सबलोक ओकरा देखके परभु येसुमे बिस्‍बास कैरके ओकर देख्‍याल रस्‍तामे चलेलाग्‍लै।

परेरित 9:42

यि बात पुरा योप्‍पामे फैलगेलै, तब ओतेका बहौत लोकसब परभुमे बिस्‍बास करल्‍कै।

२ कोरन्‍थी 6:15

खिरिस्‍टके सैतानसङे कोन समबन्‍ध? तहिनङे खिरिस्‍टमे बिस्‍बास करैबलासब आ बिस्‍बास नै करैबलासबसङे कोन समबन्‍ध?

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।