परेरित 4:32 - मध्‍य पुरविया थारू

³² बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।

परेरित 4:32 ပူးပေါင်းရင်းမြစ်များ

युहन्‍ना 17:11

आब हम सन्‍सारमे नै रहबै, महज उसब त सन्‍सारेमे रहतै आ हम अहाँके लग आइबरहल चियै। हे पबितर पिता, अहाँ आपन नामके सक्‍तिसे एकरासबके रक्‍छा करु, जे नाम अहाँ हमरा देलियै, ताकि ओहोसब हम आ अहाँ एक भ्‍याल जखा एक हेबे।

परेरित 1:14

ओइमेसे कतहेक छौरी-मौगी आ येसुके माँ मरियम आ ओकर भाइसब सङे उसब एके मनके भ्‍याके लगातार परथना करैतरहै।

परेरित 2:1

जब पेन्‍तिकोस पाबैनके दिन एलै, परभु येसुमे बिस्‍बास करैबला सबकोइ एके ठाममे जम्‍मा भेलरहै।

परेरित 5:12

परेरितसबके हाथसे लोकसबके बिचमे बहुत चेन्‍हासब आ आस्‍चरजके कामसब हैतरहै। उसब सोलोमनके दरबजामे सङे एक जुट हैतरहै।

रोमी 12:5

तहिनङे अपनासब बहुतो चियै तैयो खिरिस्‍टमे एकेटा देह चियै आ अपनासब एक-दोसरके सेबा दैबला अङसब चियै।

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।