परेरित 4:21 - मध्‍य पुरविया थारू

²¹ ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।

परेरित 4:21 ပူးပေါင်းရင်းမြစ်များ

मतीके लिखल सुसमाचार 15:31

जब जम्‍मा भेल लोकसब बौकासबके बोलैत, लुल्‍हासबके निक भेल, नेङरासबके चलैत आ अन्‍हरासब देखे लाग्‍लै से देखके छक्‍क परलै आ इजराएलके परमेस्‍वरके परसन्‍सा करल्‍कै।

मतीके लिखल सुसमाचार 21:46

तैखातिर उसब ओकरा पकरैले चाहल्‍कै, महज उसब लोकसबसे डराबै छेलै। कथिलेत लोकसब ओकरा एक अगमबक्‍ता चियै कैहके ठानैछेलै।

मतीके लिखल सुसमाचार 26:5

महज उसब कहल्‍कै, “पाबैनके बखत यि काम करनाइ उचित नै छै, नै त लोकसबमे बारका हुलदङा मैच जेतै।”

मतीके लिखल सुसमाचार 9:33

भुत आत्‍मा ओकर देहसे निकैलगेलाके बाद उ बौक लोक बाजे लाग्‍लै। यि देखके लोकसब आस्‍चरजचकित भेलै आ कहेलाग्‍लै कि “इजराएलमे एहेन बात कहियो नै देख्‍ने रहियै।”

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

लुका 13:17

येसुके यि जबाब सुइनके ओकर बिरोधीसब लाजमे परलै। महज ओकर आस्‍चरजके करलाहा काम देखके औरो लोकसब खुसी भेलै।

लुका 20:19

तब धरमगुरुसब आ मुल पुजारीसब येसुके तखुन्‍ते पकरैले चाहल्‍कै, कथिलेत उसब जानैछेलै कि यि दिस्‍टान्‍त ओहैसबके बिरुधमे कहने रहै। महज उसब लोकसबसे डराबै छेलै।

लुका 20:6

‘मानबसे’ कहबै त, सब लोकसब मिलके पथल बरसाके हमरासबके माइरदेतै, कथिलेत युहन्‍ना अगमबक्‍ता छेलै से उसब बिस्‍बास करैछै।”

लुका 22:2

मुल पुजारीसब आ धरमगुरुसब येसुके कनङके मारबै से मौका ताकैछेलै, महज उसब लोकसबसे डराइछेलै।

लुका 5:26

ओतेका सब लोकसब आस्‍चरजमे परलै, उसब परमेस्‍वरके महिमा करल्‍कै आ परमेस्‍वरके अतेक बरका सक्‍ती देखके उसब डेरागेलै तब कहल्‍कै, “आइ हमसब अचमके काम देखलियै।”

परेरित 4:17

महज यि बात औरो लोकसबमे नै पसरे कैहके, ‘फेनो येसुके नाममे कोनो लोकसब उसबके कुछो नै बाजे’ कैहके अपनासब अकरौरके चेताबे परतै।”

परेरित 4:22

कथिलेकी जे लोक आस्‍चरजके कामसे निक भेल छेलै, ओकर उमेर चालिस बरिससे उपर छेलै।

परेरित 5:13

लोकसब तैयो ओइसबके आदर करैत रहलै, महज ओकरासबमेसे ककरो ओइसबसङे सामेल हैके साहस नै भेलै।

परेरित 5:26

तब हाकिमसब कप्‍तानसबसङे ज्‍याके परेरितसबके पकैरके आनल्‍कै। लोकसब पथल फेकके मारत से डरसे परेरितसबके जबरजस्‍ती नै कैरके आनल्‍कै।

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।