परेरित 4:17 - मध्‍य पुरविया थारू

¹⁷ महज यि बात औरो लोकसबमे नै पसरे कैहके, ‘फेनो येसुके नाममे कोनो लोकसब उसबके कुछो नै बाजे’ कैहके अपनासब अकरौरके चेताबे परतै।”

परेरित 4:17 ပူးပေါင်းရင်းမြစ်များ

मतीके लिखल सुसमाचार 27:64

तै खातिर अहाँ आग्‍या दियौ कि तिन दिनतक ओइ चिहानमे पहरा देल जाय। कहि एहेन नै हेबे कि ओकर चेलासब आइबके ओकर लहास चोराके लजाए आ लोकसबके कहे लागे कि उ मुरदामेसे जिबित भ्‍याके उठलै। तब अइबेरके धोखाके बात पहिल्‍काके धोखासे औरो खराब हेतै।”

मतीके लिखल सुसमाचार 9:30

अतहेक कहैत मातर ओकरौरके आँख खुइलगेलै। तब येसु एहेन कैहके ओइसबके करा आग्‍या दैत कहल्‍कै, “याद राख, यि बात ककरो नै कैहये।”

युहन्‍ना 15:21

हमर नाममे बिस्‍बास करलाके खातिर उसब तोरासबके यि सब सताइबला काम करतौ, कथिलेत उसब हमरा पठाइबला पिताके नै चिन्‍हैछै।

परेरित 4:21

ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।

परेरित 5:24

जब यि बात मन्‍दिरके कप्‍तान आ मुल पुजारीसब सुनल्‍कै तब अइसबके नतिजा कथी हेतै कैहके परेरितसबके बारेमे दोधारमे पैरगेलै।

परेरित 5:28

“कि हम तोरासबके यि सिक्‍छा नै दैले करा आग्‍या देने नै छेलियौ, महज तुसब आपन सिक्‍छासे पुरे यरुसलेम भैरदेल्‍ही आ ओइ लोकके खुनके दोस हमरासबके उपर आनैले चाहैचिही।”

एफिसी 6:9

हौ मालिकसब, तैहनङे कैरके अहुसब आपन नोकर-चाकरसबके असल बेबहार करु आ ओइसबके नै धम्‍काब कथिलेत अहाँसबके आ उसब दुनुके एकेटा मालिक स्‍वरगमे छै से बात नै बिसर। उ ककरो पक्‍छ ल्‍याके नियाय नै करैछै।

१ थेसलोनिकी 1:8

तोरेसबके केबल माकेडोनिया आ अखैयामे मातरे नै महज परमेस्‍वरके बचन तोहरसबके बिस्‍बासके बात सेहो सब ठामसबमे फैलगेलै। अहैलेल अकर बारेमे औरो कुछो कहैके जरुरी नै छै।

१ पतरुस 2:23

जब लोकसब ओकरा अपमान करल्‍कै, तब उ कोनो जबाफ नै उल्‍टाइल्‍कै। दुख भोगैबखत ककरो धम्‍की नै देल्‍कै, महज ठिकसङे नियाय करैबला परमेस्‍वरमे भरोसा करल्‍कै।