परेरित 3:26 - मध्‍य पुरविया थारू

²⁶ तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

परेरित 3:26 ပူးပေါင်းရင်းမြစ်များ

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

मतीके लिखल सुसमाचार 15:24

तब फेनो येसु कहल्‍कै, “परमेस्‍वर हमरा इजराएलके लोकसबके लेल मातरे पठाइने छै। उसब हर्‌याल भेंरासब जखाछै।”

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

युहन्‍ना 4:22

तु सामरी लोकसब ओकर आराधना करैचिही जकरा जान्‍बो नै करैचिही। हमसब जाइनके परमेस्‍वरके आराधना करैचियै, कथिलेत लोकके उदार यहुदी खानदानसे आबैछै।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

परेरित 26:20

पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

परेरित 3:13

अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

परेरित 3:20

आ परमेस्‍वर तोरासबके खातिर पैहनैयेसे छानल खिरिस्‍ट अरथात येसुके पठादेतौ।

परेरित 3:22

मोसा कहने रहै, ‘परमपरभु परमेस्‍वर हमर जखा तोरेसबके भाइ-भैयारीके बिचसे एकटा अगमबक्‍ता तोरासबके खातिर ठार करतौ। उ तोरासबके जे-जे कहतौ उ सब बात तोरासबके सुने परतौ।

परेरित 3:25

तुसब उहे अगमबक्‍ता आ उहे भबिसबानीके बेटाबेटी चिही। जे परतिग्‍या परमेस्‍वर तोहर पुरखासब जरे बन्‍हने छेलै। परमेस्‍वर अबराहमके अनङ कहल्‍कै, ‘तोहर खानदानसे पिरथिबीके सब जातीसब आसिस पाबतौ।’

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

रोमी 15:29

जब हम तोरासबलग एबौ, तब येसु खिरिस्‍टके देल भरपुर आसिस ल्‍याके एबौ।

रोमी 15:8

हम तोरासबके यि बात कहैचियौ कि, परमेस्‍वर यहुदीसबके पिता-पुरखासबसङे करल परतिग्‍या सत छै से देखाबैले खिरिस्‍ट यहुदीसबके सेबक बन्‍लै।

एफिसी 1:3

अपनासबके परभु येसु खिरिस्‍टके पिता परमेस्‍वरके धन्‍यबाद हेबे। उ अपनासबके खिरिस्‍टमे स्‍वरगिय ठामसबमे सब आत्‍मिक आसिस देने छै।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।