परेरित 3:14 - मध्‍य पुरविया थारू

¹⁴ जे पबितर आ धरमी छेलै तकरा त अहाँसब इन्‍कार करलियै। महज जे आदमी खुनी छेलै ओकरा अहाँसब छोरैके माङ करलियै।

परेरित 3:14 ပူးပေါင်းရင်းမြစ်များ

मतीके लिखल सुसमाचार 27:20

महज अते मुख पुजारीसब आ अगुवासब बारब्‍बाके छोइर दैले आ येसुके मारैले माङ करिहे कैहके लोकसबके सिखाइने छेलै।

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मरकुस 15:11

येसुके बदलामे बारब्‍बाके छोइरदियौ कैहके मुल पुजारीसब भिरके लोकसबके उसकेल्‍कै।

मरकुस 15:7

ओइ बखत हतिया करैबला बिदरोहीसब जहलमे छेलै। ओइमेसे बारब्‍बा नामके लोको ओते छेलै।

लुका 1:35

स्‍वरगदुत ओकरा जबाफ देल्‍कै, “पबितर आत्‍मा तोहर उपरमे एतौ आ महान परमेस्‍वरके सक्‍तिके छाह तोहरमे परतौ। तैल्‍याके जल्‍मैबला बच्‍चा पबितर हेतै आ उ परमेस्‍वरके बेटा कहाइतै।

लुका 23:25

जेनङ लोकसब माङ करने रहै, पिलातस बारब्‍बाके छोइरदेल्‍कै, जे कोइ बिदरोह आ हतियाके अभियोगमे जहलमे परल छेलै। महज येसुके ओहैसबके इक्‍छामे जिमा लग्‍या देल्‍कै।

युहन्‍ना 16:10

उ परमेस्‍वरके अगामे धारमिकताके बारेमे कथी असल चियै, ओह्‍या देखादेतौ कथिलेत हम पितालग जाइचियौ। आबसे फेनो तुसब हमरा नै देखबिही।

युहन्‍ना 18:40

महज उसब जोरसे किलोल करैत एहेन कहल्‍कै, “एकरा नै! बारब्‍बाके छोइरदियौ।” (बारब्‍बा करान्‍तिकारी छेलै।)

परेरित 13:28

मिरतुदन्‍डके कोनो कारन नै भेटलै तैयो उसब येसुके मारैये परतै कैहके पिलातसके अगा माङ करल्‍कै,

परेरित 2:27

कथिलेत अहाँ हमर परानके पतालमे नै छोरबै, नै त अहाँ आपन पबितर सेबकके देह सरे देबै।

परेरित 22:14

तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।

परेरित 4:27

“साँचोके अहाँके अभिसेक करल पबितर सेबक येसुके बिरोधमे हेरोद आ पन्‍तियस पिलातस दुनुगोरा आन जात आ इजराएलीसबसङे अहै सहरमे जमा भेलरहै।

परेरित 5:28

“कि हम तोरासबके यि सिक्‍छा नै दैले करा आग्‍या देने नै छेलियौ, महज तुसब आपन सिक्‍छासे पुरे यरुसलेम भैरदेल्‍ही आ ओइ लोकके खुनके दोस हमरासबके उपर आनैले चाहैचिही।”

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

याकुब 5:6

तोरासबके बिरोधो नै करैबला निरदोससबके तुसब दोख लग्‍याके मारलिही।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।