परेरित 3:13 - मध्‍य पुरविया थारू

¹³ अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।

परेरित 3:13 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”

मतीके लिखल सुसमाचार 22:32

उ कहनेछै, ‘हम अबराहमके परमेस्‍वर, इसहाकके परमेस्‍वर आ याकुबके परमेस्‍वर चियै।’ उ मरलसबके नै बल्‍की जिबितसबके परमेस्‍वर चियै।”

मतीके लिखल सुसमाचार 27:2

तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

मरकुस 15:11

येसुके बदलामे बारब्‍बाके छोइरदियौ कैहके मुल पुजारीसब भिरके लोकसबके उसकेल्‍कै।

लुका 22:57

महज पतरुस एहेन कैहके इन्‍कार करल्‍कै, “नै गे, हम ओकरा नै चिन्‍हैचियै!”

लुका 23:4

पिलातस मुल पुजारीसबके आ भिर लागल लोकसबके कहल्‍कै, “हमरा यि लोकमे कोनो दोस नै भेटल।”

लुका 6:37

“ककरो दोस नै लगा तोरोसबके परमेस्‍वर दोस नै लगाइतौ। दोसरके गलत नै ताक तब परमेस्‍वर तोरोसबके गल्‍ती नै ताकतौ। लोकसबके छमा दहै तब परमेस्‍वर तोरोसबके छमा करतौ।

युहन्‍ना 12:16

ओकर चेलासब पहिने यि बात नै बुझल्‍कै। महज येसु महिमीत भेलाके बाद ओकरासबके याद एलै कि यि बात ओकरे बारेमे लिखल छेलै आ उ लोकसब यि सबकाम ओकरे लेल करल्‍कै कैहके बुझल्‍कै।

युहन्‍ना 18:40

महज उसब जोरसे किलोल करैत एहेन कहल्‍कै, “एकरा नै! बारब्‍बाके छोइरदियौ।” (बारब्‍बा करान्‍तिकारी छेलै।)

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 19:12

यि बात सुइनके पिलातस फेनो येसुके छोरैले चाहल्‍कै। महज यहुदीसब किलोल करैत कहल्‍कै, “जब ओकरा छोरबै त अहाँ समराट कैसरके सङी नै भेलियै! जे कोइ आपनके रजा चियै कहैछै उ कैसरके बिरोधी चियै!”

युहन्‍ना 19:15

तब उसब जोर-जोरसे कहेलाग्‍लै। “ओकरा मार! ओकरा मार! ओकरा कुरूसमे लटका!” पिलातस ओइसबके पुछल्‍कै, “कि हम साच्‍चे तोरासबके रजाके कुरूसमे लटकेबौ?” मुल पुजारीसब जबाब देल्‍कै, “कैसर छोइरके दोसर कोइ नै हमरासबके रजा छै।”

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

परेरित 22:14

तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

परेरित 3:12

यि देखके पतरुस ओइ लोकसबके कहल्‍कै, “हे इजराएलके लोकसब, यि बातमे अहाँसब कथिले अचम मानैचियै? हमसब आपन सक्‍तीसे आ भक्‍तिसे ओकरा चलफिर कराइले सकैबला जखा कथिले ताकैचियै?

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

परेरित 4:27

“साँचोके अहाँके अभिसेक करल पबितर सेबक येसुके बिरोधमे हेरोद आ पन्‍तियस पिलातस दुनुगोरा आन जात आ इजराएलीसबसङे अहै सहरमे जमा भेलरहै।

परेरित 4:30

आ निक करैले अहाँ आपन हाथ बरहाइत, आपन पबितर सेबक येसुके नामसे आस्‍चरज कामसब हैतरहे।”

परेरित 7:32

‘हम तोहर पुरखासबके परमेस्‍वर- अबराहम, इसहाक आ याकुबके परमेस्‍वर चियौ।’ तब मोसा डरसे थरथर कापे लाग्‍लै आ ओकरा ओने ताकैके साहस नै भेलै।

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।