परेरित 28:8 - मध्‍य पुरविया थारू

⁸ ओहै बखत पब्‍लियसके बाबु जर आ सुलवाइके पिरामे छेलै। ओहैसे पावल ओकर घर भितर ज्‍याके ओकर बाबुके लेल परथना करल्‍कै आ ओकर उपर आपन हाथ राइखके निक करल्‍कै।

परेरित 28:8 ပူးပေါင်းရင်းမြစ်များ

मतीके लिखल सुसमाचार 10:1

तब येसु आपन बारहो चेलासबके बोलाइल्‍कै आ ओइसबके भुत आत्‍मासब निकालैके आ सब किसिमके रोगी-बिमारीसबके निक करैके अधिकार देल्‍कै।

मतीके लिखल सुसमाचार 10:8

रोगी-बिमारीसबके निक कर, मरलहासबके जिबित कर, कोढि-कुस्‍टीसबके सुध कर, भुत आत्‍मासबके निकाल। जहिनङे तुसब मङनिएमे पाबलिही तहिनङे मङनिएमे दहै।

मतीके लिखल सुसमाचार 12:13

तकरबाद येसु सुखलाहा हाथबलाके कहल्‍कै, “तोहर हाथ पसार!” उ हाथ पसारल्‍कै आ दोसर निक्‍हा हाथ जखा निक भ्‍यागेलै।

मतीके लिखल सुसमाचार 9:18

जब येसु ओइसबके यि बात सुनाइछेलै, तब अचानक सभाघरके एक गोरा सासक एलै आ ठेङहुनिया दैत ओकरा कहल्‍कै, “हमर बेटी अखुन तुरन्‍ते मैर गेलै, महज अहाँ चलु आपन हाथ ओकर उपरमे राइखदेबै त उ जिबित भ्‍याजेतै।”

मरकुस 16:18

उसब आपन हाथसे साँपसब पकरतौ आ कोनो परकारके बिखो पिलेतै त तैयो कोनो नोक्‍सान नै हेतै। तब रोगी-बिमारीसब उपर आपन हाथ राख्‍तौ आ उसब निक हेतौ।”

मरकुस 5:23

आ एहेन कैहके बिन्‍ती करल्‍कै, “हमर छोटकी बेटी मरे लागल छै, आइबके ओकर उपरमे आपन हाथ राखदिय जैसे उ निक हेबे आ जि जाय।”

मरकुस 6:5

तहैले येसु ओते कोनो-कोनो बिमारसब उपर आपन हाथ राइखके ओइसबके निक करै बाहेक ओकरासबके अबिस्‍बासके कारन कोनो सक्‍तिसाली काम करे नै सकल्‍कै।

मरकुस 7:32

ओते लोकसब एकटा बैहरा आ बौकासबके ओकरलग आनल्‍कै आ ओइसबके उपर आपन हाथ राइखके निक कैरदिय कैहके बिन्‍ती करल्‍कै।

लुका 13:13

तब येसु ओकर उपरमे आपन दुनु हाथ राखल्‍कै। उ तखुन्‍ते सोझ भेलै आ परमेस्‍वरके परसन्‍सा करे लाग्‍लै।

लुका 4:40

रौद डुब्‍लाके बाद बहुत किसिमके रोगीसबके येसु लग आनल्‍कै। येसु ओकरासबके उपरमे हाथ राखल्‍कै आ सब रोगीसबके निक करल्‍कै।

परेरित 28:7

ओइ टपुके मुखिया पब्‍लियसके घर ओहै आसपासमे छेलै। पब्‍लियस हमरासबके आपन घरमे लज्‍याके सेबा सत्‍कार करल्‍कै। हमसब तिन दिनतक ओकर घरमे मेजमान बैनके रहलियै।

परेरित 28:9

यि घटना देखके टपुके औरो रोगी बिमारीसब आबे लाग्‍लै आ उसब निक भेलै।

परेरित 9:40

तकरबाद पतरुस सबलोकके घरसे बाहर निकालल्‍कै आ ठेङहुनिया द्‍याके परथना करल्‍कै। तब लहास दिसन घुइमके कहल्‍कै, “तबिता, उठ!” तब उ आँख उघारल्‍कै त सामनेमे पतरुसके देखके उइठके बैठलै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 12:9

ओह्‍या पबितर आत्‍मा ककरो बिस्‍बास करैबला, ककरो रोग-बिमारसबके निक करैबला बरदानसब दैछै।