परेरित 27:20 - मध्‍य पुरविया थारू

²⁰ बहुत दिनतक नै त रौद आ नै तरे देखैले पाबलियै। अन्‍हर-बिहाइर चलिए रहलाके कारन बच्‍बै कि नै कैहके आसो मर गेलै।

परेरित 27:20 ပူးပေါင်းရင်းမြစ်များ

मतीके लिखल सुसमाचार 24:29

“जब बरका महासङकटके दिनसब बित्‍तै सुरुज अन्‍हार हेतै आ चान आपन चमक दैले छोरतै, अकासके तरासब खस्‍तै आ अकासके सक्‍तीसब थर-थर काप्‍तै।

परेरित 27:19

तेसर दिन उसब जहादमे बान्‍हल रसा आ पलरासब आपने हाथसे काटके फेक देल्‍कै।

परेरित 27:21

जहादमेके लोकसब खाना नै खेने बहुतदिन भेल छेलै। ओइ बखत पावल ओइसबके कहल्‍कै, “हौ भाइ-भैयासब, अहाँसब हमर बात माइनके केरेटसे जहाद नै चलाइने रहतियै त नै यि बिपतमे एतियै, नै कोनो बिनासे हेतियै।

२ कोरन्‍थी 11:25

हम तिन बेर लाठीसे माइर खेलियै। हम एकबेर पथलसे माइर खेलियै। हम पानी जहादके यातरा करैबेर तिन चोटी जहाद डुइबगेलै। एक दिन आ एक रात हम समुन्‍दरमे बिताइलियै।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

१ थेसलोनिकी 4:13

देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।