परेरित 27:1 - मध्‍य पुरविया थारू

¹ जब हमसब पानी जहादसे इटालिया देस जाइले निरनय भेलै तब उबस पावलके औरो कैदीसबसङे समराट अगस्‍तसके सेनाके कप्‍तान युलियसके जिमा लग्‍यादेल्‍कै।

परेरित 27:1 ပူးပေါင်းရင်းမြစ်များ

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

लुका 23:47

यि सब घटनासब देखके सैनिकसबके कप्‍तान एहेन कैहके परमेस्‍वरके महिमा करल्‍कै, “साँचोके यि लोक धरमी रहै।”

लुका 7:2

ओते रोमी कप्‍तानके एक गोरे पिरिय नोकर बिमारसे मरे लागल छेलै।

परेरित 10:1

कैसरियामे करनेलियस नामके एकटा लोक रहै, जे रोमी सेनामे इटालिया पल्‍टनके कप्‍तान रहै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 16:10

जब पावलके यि दरसन भेलै, तुरन्‍ते हमरौरके माकेडोनिया जाइले तैयार भेलियै। कथिलेत हमरौरके थाह भेलै कि ओतेका लोकसबके सुसमाचार परचार करैले परमेस्‍वर हमरौरके बोलाइनेछै।

परेरित 18:2

ओते उ अकिलास नामके एक गोरा यहुदीके भेटलै। ओकर जलम पोन्‍टस इलाकामे भेलरहै। उ हाल-साले आपन घरबाली पिरिस्‍किलासङे इटालिया देससे एल रहै। कथिलेत रोमके रजा क्‍लौडियस सब यहुदीसबके रोम सहरसे निक्‍लैके हुकुम देल्‍कै तब पावल ओइसबके भेटैले गेलै।

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 21:32

तब उ सेनापती तुरन्‍ते आपन कुछ सिपाही आ कप्‍तानसबके आपन सङमे लेल्‍कै आ दौरते लोकसबके भिर दिसन गेलै। लोकसब जब सेनापती आ ओकर सैनिक आ कप्‍तानसबके देखल्‍कै तब देखैत मातर पावलके मारपिट करैले छोइरदेल्‍कै।

परेरित 22:26

कप्‍तान यि बात सुइनके सेनापती लग ज्‍याके कहल्‍कै, “अहाँ यि कथी करैचियै? यि लोक त रोमी नागरिक चियै!”

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

परेरित 23:17

तखुन्‍ते पावल एकटा कप्‍तानके बोल्‍याके कहल्‍कै, “यि छौराके सेनापती लग पुगादहै, कथिलेत उ ओकरा कुछो कहैले चाहैछै।”

परेरित 24:23

अतबे कैहके फेलिक्‍स पावलके कुछ स्‍वतन्‍तरसङे पहरामे राखिहे आ ओकर सङिसबके आबसेक्‍ता पुरा करैले नै रोकिहे कैहके कप्‍तानके आदेस देल्‍कै।

परेरित 25:12

तब फेस्‍तस आपन सलाहकारसबसे छलफल कैरके जबाफ देल्‍कै, “तु बडा-हाकिम लग जाइले बिन्‍ती करलिही, तै खातिर हम तोरा ओकरलग पठाइचियौ।”

परेरित 25:25

महज हम यि लोक मिरतुदन्‍ड पाबैके कोनो दोस नै भेटलियै। तब उ आपने रोमी समराट कैसर लग जाइले बिन्‍ती करलाके कारन हम ओकरा कैसर लग पठाबैके निरनय करलियै।

परेरित 27:11

महज सेनाके कप्‍तान पावलके बात नै माइनके जहाद चलाबैबला आ जहादके मालिकके बातमे बेसीसे बिस्‍बास करल्‍कै।

परेरित 27:43

महज सैनिकके कप्‍तान पावलके बचाइले चाहैछेलै। तहै खातिर उ ककरो मारैले नै देल्‍कै। उ आग्‍या करल्‍कै कि जकरा सबके पैरी मारैले आबैछै उसब पहिने जहादसे पानीमे कुइदके पौरैत-पौरैत पखामे निकैल जाय।

परेरित 27:6

ओते कप्‍तान युलियस अलेकजेन्‍डरिया सहरसे इटालिया देसमे जाइबला जहाद भेटलै आ उ हमरासबके ओहै जहादमे चरहादेल्‍कै।

परेरित 28:1

जब हमसब पखा दिसन पुगलियै तब हमरासबके मालुम भेलै कि यि टपुके नाम माल्‍टा चियै।

परेरित 28:16

जब हमसब रोममे ढुकलियै, तब पावलके एक गोरा सिपाहीके रेखदेखमे असगरे रहैके अनुमति भेटलै।

हिबरु 13:24

मन्‍डलीके सब अगुवा आ सब परभुके जनसबके हमरासबके तरफसे गोरलगी सुनादहै। इटालिया देसमे भेल्‍हा भाइसब तोरासबके सेहो गोरलगी पठाइनेछौ।