परेरित 26:23 - मध्‍य पुरविया थारू

²³ खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

परेरित 26:23 ပူးပေါင်းရင်းမြစ်များ

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

मतीके लिखल सुसमाचार 27:53

उसब चिहानसे बाहर आइबके जब येसु मुरदासे जिबित भेलै तब उसब पबितर सहरमे गेलै आ बहुतो लोकसबके देखाइ देल्‍कै।

लुका 2:32

औरो जात जातीसबके रस्‍ता देखाइले इजोत देने चियै आ अहाँ इजराएलके सब लोकसबके लेल महिमाके इजोत चियै।”

लुका 24:26

कि खिरिस्‍टके यि सब दुख काइटके आपन महिमाके खातिर जाइसे पहिने जरुरी नै छेलै त?”

लुका 24:46

आ उसबके कहल्‍कै, “पबितर धरमसास्‍तरमे एहेन लिखल छै, मुक्‍ती दैबला खिरिस्‍टके दुख भोग्‍नाइ आ तेसर दिनमे जिके उठनाइ जरुरी छै,

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 11:25

तब येसु ओकरा कहल्‍कै, “पुनरुथान आ जिबन हम्‍ही चियै। जे हमरा बिस्‍बास करतै, उ मरबो करतै त जिबित हेतै।

परेरित 13:34

उ येसुके फेनो कहियो नै मरेपरतै तनङके जिएल्‍कै तै बातमे परमेस्‍वर अनङ कहनेछै- ‘पबितर आ अटल आसिसके बचन जे दाउदके देलगेल छेलै, से हम तोरासबमे पुरा करबौ।’

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 26:8

परमेस्‍वर मरलहासबके जियाइछै तै बातमे अहाँसब कथिले बिस्‍बास नै करैचियै?

परेरित 3:18

तहिनङ येसुके दुख काटे परतै कैहके परमेस्‍वर अगमबक्‍ताके मुहसे करल अगमबानी पुरा करल्‍कै।

परेरित 3:24

“अहिनङे सामुएलसे ल्‍याके पाछेके सब अगमबक्‍तासब बोलल छै। उ सबकोइ अहै दिनसबके भबिसबानी करने छै।

१ कोरन्‍थी 15:3

हम जे पाबलियै ओह्‍या सबसे मुख बिसयके रुपमे तोरासबके सोइप देलियौ, अरथात पबितर धरमसास्‍तर अनुसार खिरिस्‍ट अपनासबके पापके खातिर मरलै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

कलस्‍सी 1:18

मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।

हिबरु 2:10

परमेस्‍वर आपने महिमाके लेल सब चिज सिरिस्‍टी करल्‍कै। उ आपन बहुतो धियापुतासबके महिमामे लाबैके इक्‍छा करैके कारन उ ओइसबके मुक्‍ती दैबला खिरिस्‍टके कस्‍ट दुवारा सिध बनाबैके ओकर लेल उचित छेलै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।