परेरित 26:18 - मध्‍य पुरविया थारू

¹⁸ तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 26:18 ပူးပေါင်းရင်းမြစ်များ

मतीके लिखल सुसमाचार 4:10

तब येसु फेनो ओकरा जबाब देल्‍कै, “ऐ सैतान, तु हमर नजरसे दुर भ्‍याजो! कथिलेत लिखल छै, ‘तु परमपरभु आपन परमेस्‍वरके गोर लाग आ ओकरेटा सेबा कर।’”

मतीके लिखल सुसमाचार 4:16

अन्‍हारमे बैठल लोकसब एकटा बरका इजोत देखने छै। जेसब मिरतुके छाह भेल परदेसमे बैठल छेलै, तकरासबमे इजोत चमकल छै।”

लुका 1:77

‘कनङके पापसे छमा पाइबके मुक्‍ती पाबबिही’ से बात तु ओकर लोकसबके कहबिही।

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

लुका 2:32

औरो जात जातीसबके रस्‍ता देखाइले इजोत देने चियै आ अहाँ इजराएलके सब लोकसबके लेल महिमाके इजोत चियै।”

लुका 24:45

तब येसु ओकरासबके धरमसास्‍तरसब बुझैले समझसक्‍ती खोइल देल्‍कै,

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

लुका 4:18

“परमपरभुके आत्‍मा हमर उपरछै, गरिबसबके सुसमाचार सुनाइले उ हमरा अभिसेक कैरके पठाइने छै। बन्‍धनमे परलसबके छुटकाराके लेल, अन्‍हरासबके आँख देखैके लेल, अत्‍याचारमे परलाहासबके सोतन्‍तर करैके लेल,

युहन्‍ना 17:17

अहाँके सत्‍यतासे ओइसबके पबितर करु, कथिलेत अहाँके बचन सत छै।

युहन्‍ना 3:19

इजोत सन्‍सारमे एलछै आ लोकसब इजोतके बदला अन्‍हारके परेम करल्‍कै। कथिलेत ओइसबके काम दुस्‍ट छेलै। अहै कारन उसब दोसी ठहरतै।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

युहन्‍ना 9:39

तब येसु कहल्‍कै, “नै देखैबलासब देखे आ देखैबलासब अन्‍हर हेबे कैहके हम सन्‍सारमे नियाइ करैले एलचियै।”

युहन्‍ना 9:5

जाबेतक हम सन्‍सारमे चियौ, ताबेतक हम सन्‍सारके इजोत चियौ।”

परेरित 10:43

सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”

परेरित 13:47

कथिलेत परभु हमरौरके अहिनङे आग्‍या करने छै- ‘पिरथिबीके अन्‍तके सिमा तक लोकसब हमर मुक्‍ती पाबै कैहके, अहै कामके खातिर गैर-यहुदीके बिचमे इजोत हैले नियुक्‍त करनेचियौ।’”

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

परेरित 26:19

“तहैलेल, हे रजा अगरिपास, हम स्‍वरगिय दरसनके आग्‍यापालन करलियै।

परेरित 26:23

खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

परेरित 3:19

तै खातिर तुसब पस्‍चाताप कर आ आपन मन बदल जैसे तोरासबके पाप मेटाबे आ परमपरभुसे आनन्‍दके समय आबे,

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 6:14

येसुमे बिस्‍बास नै करैबलासबसङे एकसाथ एकेटा जुवामे नै जोता। कथिलेकी धरमी आ अधरमी कनङके मिल्‍तै? इजोत आ अन्‍हार एक ठाम कनङके रहे सक्‍तै?

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

एफिसी 1:14

महिमामय परमेस्‍वरके परतिग्‍या करल पुरा मुक्‍ती नै पाबैतक पबितर आत्‍मा बैना जखा चियै। आब अपनासब ओकरा परसन्‍सा करु।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।

एफिसी 5:11

अन्‍हारमे काम नै लागैबला कामसबमे सहभागी नै हो। बरु उ काम खराब छै कैहके देख्‍यादहै।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

२ तिमोथी 2:26

तब उसब होसमे आइबके सैतानके फन्‍दासे निकैल सकैछै। कथिलेत सैतान आपन इक्‍छा पुरा करैके खातिर ओइसबके बसमे राखनेछै।

हिबरु 10:10

कथिलेकी येसु खिरिस्‍ट परमेस्‍वरके इक्‍छा पुरा करल्‍कै। ओहैसे सबदिनके लेल एके चोटी आपन देहके बलिदान द्‍याके उ अपनासबके सब पापसबसे पबितर करल्‍कै।

हिबरु 10:14

कथिलेत एकेटा बलिदानसे पापसे पबितर करल लोकसबके उ सबदिनके लेल सिध करने छै।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

१ पतरुस 1:4

स्‍वरगमे तोरासबके खातिर सैतके राखल उतराधिकार कहियो नास नै हैबला, नै सरैबला आ नै मुरझाइबला जखाछै।

१ पतरुस 2:25

कथिलेत तुसब हर्‌याल भेंरासब जखा छेल्‍ही, महज आब त तुसब आत्‍माके चरबाहा आ रक्‍छा करैबला लग घुइमके एलचिही।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

१ युहन्‍ना 1:9

यदि अपनासब आपन पाप परमेस्‍वरके अगा सुइकार करबिही त, उ अपनासबके पाप छमा करतौ आ सब अधरमसे सुध करतौ कथिलेत उ बिस्‍बासयोग्‍य आ धरमी छै।

१ युहन्‍ना 2:12

हमर दुलरुवा धियापुतासब, हम तोरासबके यि लिखरहल चियौ, कथिलेत येसु खिरिस्‍टेसे तोरासबके पाप छमा भेलछौ।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

परकास 21:27

महज असुध चिज, घिरनित काम करैबला आ झुठ बोलैबलासब उ सहरके भितर जाइले नै पाबतै। थुमाके जिबनके किताबमे नाम लिखलहासब मातरे ओते जाइले पाबतै।