परेरित 23:9 - मध्‍य पुरविया थारू

⁹ तब ओते जोर-तोरसे होहल्‍ला भेलै आ फरिसी दलके कुछ धरमगुरुसब खरा भ्‍याके सदुकीसबके घोर बिरोध करैत कहल्‍कै, “हमसब यि लोकमे कोनो दोस नै देखलियै। यदी अइ लोकसे आत्‍मा या स्‍वरगदुते बोल्‍तै त कथी भेलै!”

परेरित 23:9 ပူးပေါင်းရင်းမြစ်များ

मरकुस 2:16

येसुके पापीसब आ बटी उठाइबलासबसङे खाइत देखके फरिसी दलके धरमगुरुसब ओकर चेलासबके कहल्‍कै, “उ कथिले उसबसङे मिलके खान-पिन करैये?”

लुका 23:22

तब पिलातस तेसर बेर फेनो ओइसबके कहल्‍कै, “कथिले? यि लोक कोनो खराबी करने छै से? अकरा त मिरतुदन्‍ड दैके हमरा कोनो कारन नै भेटल, तै खातिर अकरा हम सजाय द्‍याके छोइरदेबै।”

लुका 23:4

पिलातस मुल पुजारीसबके आ भिर लागल लोकसबके कहल्‍कै, “हमरा यि लोकमे कोनो दोस नै भेटल।”

लुका 5:30

फरिसी आ यहुदी धरमगुरुसब आइबके येसुके चेलासबके गनगनाबे लाग्‍लै, “कथिले तुसब बटी उठाइबला आ पापीसबसङे मिलके खान-पिन करैचिही?”

युहन्‍ना 12:29

ओते ठार भ्‍याल लोकसब यि सुइनके कहल्‍कै, “मेघ गरजैछै!” औरो गोरा कहल्‍कै, “स्‍वरगदुत ओकरसङे बोल्‍लै!”

परेरित 11:17

हमसब परभु येसु खिरिस्‍टमे बिस्‍बास करलियै आ परमेस्‍वरसे पबितर आत्‍मा पाबलियै। तैहनङे ओहोसब ओकरा बिस्‍बास करल्‍कै आ ओकरसे पबितर आत्‍मा पाबल्‍कै। अहिनङे परमेस्‍वर आपनेसे पबितर आत्‍मा दैछै त ओकरा रोके सकैबला हम के चियै?”

परेरित 22:6

“हम ओते जाइत जाइत दिनके दुपहर भेल छेलै, हम दमस्‍कस लग आइब गेलछेलियै तहै बखत अकाससे अचानक एकटा बरका इजोत हमर चारुकात चम्‍कलै।

परेरित 22:7

हम भुइयामे खैस परलियै। तहै बखत हम एकटा एहेन अबाज सुनलियै, ‘साउल, ऐ साउल तोहे हमरा कथिले सताबैचिही?’

परेरित 23:29

तब हमरा थाह भेलै कि ओइसबके धारमिक नियमके बारेमे अकरा दोस लगाइने छै महज मिरतुदन्‍ड दैके या बन्‍दी करैबला कोनो दोस हमरा नै भेटल।

परेरित 23:8

(कथिलेत सदुकीसब मरल लोकसब फेनो जिबित हैछै, स्‍वरगदुतसब आ आत्‍मासब छै कैहके बिस्‍बास नै करैछेलै महज फरिसीसब यि बातमे बिस्‍बास करैछेलै।)

परेरित 25:25

महज हम यि लोक मिरतुदन्‍ड पाबैके कोनो दोस नै भेटलियै। तब उ आपने रोमी समराट कैसर लग जाइले बिन्‍ती करलाके कारन हम ओकरा कैसर लग पठाबैके निरनय करलियै।

परेरित 26:31

तब उसब निकलै बखत एकदोसरसे एहेन कहैत निकल्‍लै, “यि लोक त जहलमे ढोकाइबला या मिरतुदन्‍डके सजाय पाबैबला एहेन कोनो काम नै करने छै।”

परेरित 27:23

आइएके रातमे, हम जै परमेस्‍वरके चियै आ जेकर हम सेबा करैचियै ओकर स्‍वरगदुत हमरलग खरा भ्‍याके कहल्‍कै कि,

परेरित 5:39

महज यदी यि परमेस्‍वरसे चियै त तुसब अकरा नै रोके सकबिही। नै त अनङ करबिही त तुसब परमेस्‍वरके बिरोधमे ठरा भेल देखबिही।”

परेरित 9:4

उ भुइयामे खैसपरलै आ तखुन्‍ते एकटा एहेन अबाज सुनल्‍कै, “साउल, साउल, तोहे कथिले हमरा सताबैचिही?”

१ कोरन्‍थी 10:22

अनङकैरके परभुके रिस उठेनाइ डरलागैबला बात नै चियै से? कि अपनासब ओकरसे बौकार चिही?