परेरित 22:3 - मध्‍य पुरविया थारू

³ तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

परेरित 22:3 ပူးပေါင်းရင်းမြစ်များ

लुका 10:39

ओकर बहिनके नाम मरियम छेलै। उ येसुके गोर लग बैठके ओकर बचन सुनैछेलै।

लुका 2:46

खोज्‍ते-खोज्‍ते तिन दिनके बाद उसब येसुके परमेस्‍वरके मन्‍दिरमे देखल्‍कै। ओते उ धरमगुरुसब सङे बैठके बात सुनै आ परस्‍न करैछेलै।

लुका 8:35

कथी भेलछै से देखैले लोकसब येसु लग एलै। जे लोकसे भुतसब निकलल छेलै। ओकरा जमा-जोरा लग्‍याके येसु लग बैठल देखल्‍कै। यि देखके लोकसब छक्‍के परलै।

परेरित 11:25

तकरबाद साउलके ताकैले बरनाबास टारसस सहर दिसन गेलै।

परेरित 15:23

उ चारु गोराके हाथे एहे चिठी पठाइल्‍कै: एन्‍टिओखिया, सिरिया आ किलिकियामे रहैबला, परभुमे बिस्‍बास करैबला औरो जातके साथीसङिसब, यि चिठी दुवारा हमरासबके परेरितसब आ धरमगुरुसबसे अभिबादन छै।

परेरित 15:41

उसब सिरिया आ किलिकिया परदेसमे घुइम-घुइमके ओतेका बिस्‍बासीसबके बिस्‍बासमे मजगुत बनाइत गेलै।

परेरित 21:20

पावलके बात सुनलाके बाद उसब परमेस्‍वरके इस्‍तुती करल्‍कै। तकरबाद उसब पावलके कहल्‍कै, “हौ पाबल भाइ, अते हजारो-हजार यहुदीसब परभुमे बिस्‍बास कैरके मोसाके देल बेबस्‍थाके करा साथ पालन करैछै।

परेरित 21:39

पावल कहल्‍कै, “जी नै, हजुर! हम त किलिकिया टारसस सहरमे जलमल्‍हा एकटा यहुदी चियै। हम ओहै नाम चलल सहरके एकटा नागरिक चियै। दया कैरके हमरा यि लोकसबके अगा कुछ बात बोलैले दिय।”

परेरित 23:34

उ पतर परहल्‍कै आ पावलके सबाल करल्‍कै, “तु कोन इलाकाके चिही?” पावल जबाफ देल्‍कै, “हम किलिकिया परदेसके चियै।”

परेरित 23:6

जब पावल ओइ महासभामे सदुकी आ फरिसी दलके लोकसब छै से थाह पाबल्‍कै तब जोरसे कहल्‍कै, “हौ भाइ-भैयारीसब, हम फरिसीके बेटा फरिसीये चियै। मरल लोकसब फेनो जिबित हैछै तैमे बिस्‍बास करलाके कारन हमर यि उपर मुदा चैल रहल छै।”

परेरित 26:5

उसब हमरा बहुत पहिनेसे जानैछै आ यदी उसब चाहतै त यि बातके गबाही द्‍या सकैये कि हम आपन धरमके एकटा बहुत कटरबादी पन्‍थमे रैहके एक फरिसी जिबन बिताइने चियै।

परेरित 26:9

“हम्‍हु सोचै छेलियै कि, येसु नासरीके नामके बिरोधमे बहुत काराबाही करेके परतै।

परेरित 5:34

महज बेबस्‍थाके पन्‍डित आ लोकसबमे फरिसी पन्‍थके एक गोरा नाम चलल गमलिएल महासभामे उइठके परेरितसबके कुछदेर बाहर जाइले आग्‍या करल्‍कै,

परेरित 6:9

महज कतहेक यहुदीसब जे “स्‍वतन्‍तर-दल” कहाइबला सभाघरसबके आ कुरेनी, अलेकजेन्‍डरिया, किलिकिया आ एसियाके लोकसब रहै, उसब स्‍तिफनसके बिरोधमे खरा भ्‍याके ओकरसङे बताबती करे लाग्‍लै।

परेरित 9:1

साउल परभु येसुके बिस्‍बासीसबके बिरोधमे धम्‍कि दैछेलै आ मारैके धुनमे परधान पुजारी लग गेलै,

परेरित 9:11

परभु आग्‍या करैत कहल्‍कै, “उठ आ सोझ्‍का गल्‍ली नामके रस्‍तामे जो आ यहुदाके घरमे टारससके बासि साउल नामके लोकके खोज, ओते उ परथना कैर रहल छौ।

परेरित 9:30

महज यि बात जाइनके बिस्‍बास करैबला भाइ-भैयारीसब ओकरा कैसरिया सहरमे ल्‍यागेलै आ ओतेसे ओकर सहर टारससमे पठादेल्‍कै।

रोमी 11:1

ओहैसे आब हम तोरासबके कहैचियौ, “कि परमेस्‍वर आपनेसे छानल इजराएलीसबके त्‍यागने छै त?” कहियो नै! कथिलेत हम्‍हु एक इजराएली आ अबराहमके बंसमे जलमल बेन्‍यामिन कुलके चियै।

२ कोरन्‍थी 11:22

कि उसब हिबरु चियै? हँ हम्‍हु चियै। कि उसब इजराएली चियै? हँ हम्‍हु चियै। कि उसब अबराहमके खानदानके चियै? हँ हम्‍हु चियै।

गलाती 1:14

हम आपन जातीमे आ आपन तुरियामे ओइसबसे अगा भ्‍याके यहुदी धरमके पालन करैछेलियै आ हमर पिता-पुरखाके परमपरासबमे एकदम जोसगर छेलियै।

गलाती 1:21

तकरबाद हम सिरिया आ किलिकिया परदेसमे गेलियै।