परेरित 22:20 - मध्‍य पुरविया थारू

²⁰ तोहर गबाही दैबला स्‍तिफनसके लहु-लहुवान कैरके मारैत खिना हम ओतै लगमे ठारभेल रहियौ। ओकरा मारैबलासब सङे मिलके ओकरौरके बस्‍तरके रखबारी कैरके बैठल रहियै।’

परेरित 22:20 ပူးပေါင်းရင်းမြစ်များ

लुका 11:48

तै खातिर तुसब आपन पितापुरखाके साक्‍छी भ्‍याके सहमत हैचिही, कथिलेत उसब अगमबक्‍तासबके मारल्‍कै आ तुसब ओकरासबके लेल चिहान बनाइबिही।

परेरित 26:10

हम यरुसलेममे ओहै परकारसे बिरोध करलियै, मुख पुजारीसबके अखतियार पाइबके परमेस्‍वरमे बिस्‍बास करैबला लोकसबके जहलमे ढोकलियै आ जब ओइसबके मिरतुदन्‍ड दैछेलै त हमे ओइसबके बिरोधमे सहमति दैछेलियै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

परेरित 7:58

उसब स्‍तिफनसके पकैरके सहरसे बाहर निकाइलके ल्‍यागेलै आ ओकरा पथल फेकके मारे लाग्‍लै। साक्‍छीसब आपन-आपन बस्‍तर साउल नामके एकटा छौराके टाङ लग राखने रहै।

परेरित 8:1

ओहै दिनसे यरुसलेमके मन्‍डलीके बिस्‍बासीसबके बिरोधमे बहौत बरका सताबट सुरु भेलै आ परेरितसबके छोइरके औरोसब बिस्‍बासीसब यहुदिया आ सामरियाके इलाकामे छिरिया गेलै।

रोमी 1:32

एहेन लोक मिरतुके योग्‍यके हैछै कैहके परमेस्‍वरके धारमिक नियम जानियोके उसब यि कामसब करैछै। ओतबे नै, वोहन काम करैबलासबके औरो उस्‍काबैछै।

परकास 17:6

तब हम उ जनीके परमेस्‍वरके पबितर जनसब आ येसु खिरिस्‍टके साक्‍छी दैबलासबके लहु पिके मातल देखके हम एकदम छक परलियै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।