परेरित 22:14 - मध्‍य पुरविया थारू

¹⁴ तकरबाद उ हमरा कहल्‍कै, ‘अपनासबके पुरखाके परमेस्‍वर आपन इक्‍छा अहाँके बुझहाइले, आपन धारमिक सेबकके देखाबैले आ आपन मुहके बात सुनाबैले पहिनेसे अहाँके चुन्‍नेछै।

परेरित 22:14 ပူးပေါင်းရင်းမြစ်များ

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

परेरित 13:17

इजराएल जातीके परमेस्‍वर हमरौरके पुरखासबके छानल्‍कै। उसब मिसरदेसमे रहैत काल ओइसबके खन्‍दानके बरहाइने रहै। परमेस्‍वर आपन पाखुरके तागतसे ओइसबके मिसरदेससे निकाइलके आनल्‍कै।

परेरित 22:15

कथिलेत तु आपन आँखसे देखल आ कानसे सुनल सब बात लोकसबके अगा ओकर गबाही हेबे परतौ।

परेरित 22:18

आ परभुके दरसन पाबलियै तब दरसनमे परभु हमरा कहल्‍कै, ‘हबर-हबर यरुसलेमसे जल्‍दीए चैल जो कथिलेत लोकसब हमर बारेमे देल तोहर गबाही नै सुइकारतौ।’

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

परेरित 26:16

आब उठ! आपन टाङ पर ठार हो, हम तोरा दरसन अइलेल देलियौ जे हम तोरा सेबक आ हमर गबाही दैबला लोक बनाबी आ जे कुछो हमर बिसयमे देखने चिही आ जे कुछो हम तोरा देखाइबौ ओकर तु साक्‍छी हेब्‍ही।

परेरित 5:30

हमरासबके पितापुरखाके परमेस्‍वर येसुके मरलसे जियाइल्‍कै, जकरा तुसब कुरूसमे लटकाके मारने छेल्‍ही।

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 9:17

तब हननिया गेलै आ ओइ घरमे ढुइकके साउल उपर हाथ राइखके कहल्‍कै, “भाइ साउल, तोहे आबैतखिना जे परभु येसु तोरा रस्‍तामे दरसन देने छेलौ, ओह्‍या हमरा तोहर खातिर तु देखे पाबबिही आ पबितर आत्‍मासे भरपुर हेब्‍ही कैहके हमरा पठाइने छै।”

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

१ कोरन्‍थी 11:23

कथिलेत हम परभुसे जे पाबलियै, ओह्‍या तोरासबके सोइप देलियौ। अरथात जे रात परभु येसु पकराउ परलै, ओह्‍या रात येसु रोटी लेल्‍कै,

१ कोरन्‍थी 15:3

हम जे पाबलियै ओह्‍या सबसे मुख बिसयके रुपमे तोरासबके सोइप देलियौ, अरथात पबितर धरमसास्‍तर अनुसार खिरिस्‍ट अपनासबके पापके खातिर मरलै।

१ कोरन्‍थी 15:8

सबसे पछा, समय नै पुगल अबस्‍थामे जलमल लोक जखा हमरो लग परभु परगट भेलै।

१ कोरन्‍थी 9:1

कि हम स्‍वतन्‍तर नै चियै से? कि हम परेरित नै चियै से? कि हम परभु येसु खिरिस्‍टके नै देखलियै से? कि तुसब परभुमे हमर कामके परतिफल नै चिही से?

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

गलाती 1:12

कथिलेकी हमरा यि कोनो लोकसे नै मिलल छै, नै यि हमरा सिखाइने छेलै, महज येसु खिरिस्‍ट आपनेसे हमरा परकट करने छै।

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

२ तिमोथी 1:1

हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

१ पतरुस 2:22

उ नै त कोनो पाप करल्‍कै आ नै त ओकर मुहसे छलकपटके बात निकल्‍लै।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।