परेरित 22:12 - मध्‍य पुरविया थारू

¹² “दमस्‍कसमे हननिया नामके एक गोरे हमरसे भेटघाट करैले एलै। उ मोसाके नियमके पालन करैबला धरमी लोक रहै आ दमस्‍कसमे रहैबला सब यहुदीसब ओकरा बहुत आदर करैतरहै।

परेरित 22:12 ပူးပေါင်းရင်းမြစ်များ

लुका 2:25

यरुसलेममे सिमियोन नामके एकटा लोक छेलै। उ इजराएलके बचाबैबला लोकके आसमे रहै आ उ धरम-करम करैबला लोक रहै, पबितर आत्‍मा ओकरसङे छेलै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 17:4

ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

परेरित 6:3

तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

परेरित 8:2

परमेस्‍वरके भक्‍तसब स्‍तिफनसके लहासके लज्‍याके गार देल्‍कै आ ओकरलेल बहौत सोक करल्‍कै।

२ कोरन्‍थी 6:8

लोकसब हमरासबके आदर करतै तैयो अनादर करतै तैयो, जस करतै तैयो अबजस करतै तैयो हमसब परमेस्‍वरके सेबा करैचियै। हमसब इमानदार चियै महज लोकसब ठगहा कहैछै।

१ तिमोथी 3:7

देखभाल करैबला अगुवा मन्‍डलीएटाके भितरे मातर नै महज उ मन्‍डलीके बाहरो इजत-मान भेटल लोक हैकेचाही। तब मातरे ओकरा बिस्‍बासी लोकसब मान करतै आ सैतानके जालमे नै परतै।

हिबरु 11:2

ओइसबके ओहिनङे बिस्‍बासके कारन पहिनेके लोकसबके परमेस्‍वर गरहन करल्‍कै।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।