परेरित 20:32 - मध्‍य पुरविया थारू

³² “आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

परेरित 20:32 ပူးပေါင်းရင်းမြစ်များ

मरकुस 10:17

जब येसु रस्‍तामे जाइछेलै तब एकटा लोक दौरके ओकर अगा एलै आ ठेङहुनिया दैत कहल्‍कै, “हे असल गुरु जी, अनन्‍त जिबन पाबैले हमरा कथी करेपरतै?”

युहन्‍ना 15:3

किसान ठाइरके साफ करल जखा तुसब पहिनेसे हमर बचनसे सुध भेलचिही।

युहन्‍ना 17:17

अहाँके सत्‍यतासे ओइसबके पबितर करु, कथिलेत अहाँके बचन सत छै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

परेरित 14:26

तब ओतेसे उसब पानी जहादमे चहैरके एन्‍टिओखिया सहरमे गेलै, जते परभुमे बिस्‍बास करैबला लोकसब बरनाबास आ पावलके परमेस्‍वरके किरपामे सौपके परचारके काममे पठाइने छेलै, से काम पुरा कैरके एलै।

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

परेरित 15:40

तब पावल सिलासके छानल्‍कै। तकरबाद परभुमे बिस्‍बास करैबला भाइ-भैयारीसब ओइसबके परभुके किरपामे सौप देल्‍कै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 6:10

चोरसब, लोभ करैबलासब, पियक्‍करसब, निन्‍दा करैबलासब आ लुटपाट करैबलासब परमेस्‍वरके राजके हकदार हैले नै सक्‍तै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

१ कोरन्‍थी 6:9

कि अधरमी लोकसब परमेस्‍वरके राजमे ढुकैले नै सक्‍तै कैहके तोरासबके थाह नै छौ? अइ बातके गम्‍भिर रुपसे ले आ तुसब आपनेके धोखा नै दहै, कथिलेत अनैतिक काम करैबला, मुरतिपुजा करैबला, बेबिचार करैबला, समलिङगिसब, पुरुखगामीसब,

एफिसी 1:14

महिमामय परमेस्‍वरके परतिग्‍या करल पुरा मुक्‍ती नै पाबैतक पबितर आत्‍मा बैना जखा चियै। आब अपनासब ओकरा परसन्‍सा करु।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 4:12

खिरिस्‍टके सब पबितर जनसबके ओकर काम करे सकैबला बनाइले आ ओकर देह मन्‍डलीके बलगर बनाइले सके कैहके नियुक्‍त करल्‍कै।

एफिसी 4:16

ओकरे अधिनमे देहके सब अङ ठिक-ठिक ठाममे जोरल गेल्‍छै आ सब अङसब आपन-आपन काम करतै त पुरे देह परेममे बरहैत बौकार हैतजेतौ।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

कलस्‍सी 1:12

ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

कलस्‍सी 3:24

कथिलेत परभुके करल परतिग्‍याके उतराधिकार तुसब इनामके रुपमे पाबबिही कैहके थाहेछौ। तुसब परभु खिरिस्‍टके सेबा कैररहल चिही।

हिबरु 10:14

कथिलेत एकेटा बलिदानसे पापसे पबितर करल लोकसबके उ सबदिनके लेल सिध करने छै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 2:11

लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

यहुदा 1:20

महज, पिरिय भाइसब, तुसब एकदम पबितर बिस्‍बासमे बौकार हैत जो। पबितर आत्‍माके सक्‍तीमे रैहके परथना कर।