परेरित 20:3 - मध्‍य पुरविया थारू

³ उ ओते तिन महिना तक रहलै आ जब उ पानी जहादसे सिरियाके लेल निक्‍ले लाग्‍लै तब यहुदीसब हमर बिरोधमे जाल-झेल रैच रहल छै तैके बारेमे थाह भेलै। तैल्‍याके उ फेनो माकेडोनिये हैत घुइमके आबैले निरनय करल्‍कै।

परेरित 20:3 ပူးပေါင်းရင်းမြစ်များ

मतीके लिखल सुसमाचार 4:24

अहिनङे ओकर कामके चरचा पुरे सिरिया परदेसमे फैलगेलै। हरेक परकारके रोग-बिमारसे सत्‍याल, भुत लागल, मिरगी लागल आ लकबा मारल लोकसबके येसु लग आनल्‍कै आ येसु ओइसबके निक करल्‍कै।

परेरित 16:12

ओतेसे फिलिप्‍पीमे एलियै, जे माकेडोनियाके परमुख सहर आ रोमके अधिनमे छेलै। कुछदिन हमसब ओतै रहलियै।

परेरित 16:9

ओहै रात पावल एकटा दरसन देखल्‍कै। जैमे माकेडोनिया इलाकाके एकटा लोक “दया कैरके माकेडोनिया आबु आ हमरौरके सहायता करु” कैहके बिन्‍ती करैतरहै।

परेरित 18:18

बहौत दिनतक पावल कोरिन्‍थके परभुमे बिस्‍बास करैबला बिस्‍बासीसब सङे रहलै। तकरबाद उ पिरिस्‍किला आ अकिलास सङे समुन्‍दरके रस्‍ता हैत सिरिया इलाका दिसन जाइले लाग्‍लै। कुछ समय पैहनिये कौबला करलाके कारन पावल किङकिरिया सहरमे पानी जहाद चरहैसे पैहने आपन केस कटाइल्‍कै।

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 20:1

जब ओते हुलदङा सान्‍त भेलै तब पावल बिस्‍बासीसबके बोलाइल्‍कै आ उत्‍साहके बचनसब कैहके उसबसे बिदा भ्‍याके माकेडोनिया इलाका दिसन गेलै।

परेरित 20:19

हम त धिरजके साथ आ लोर बह्‍या-बह्‍याके यहुदीसबके जालझेलके बावजुदो परभुके सेबा करतै रहलियै।

परेरित 20:2

ओइ इलाकामे पुग्‍लाकेबाद ओतेका बिस्‍बासीसबके उत्‍साह द्‍याके फेनो ओतेसे उ गिरिस देसमे गेलै।

परेरित 21:3

जाइते जाइते साइपरस देखा परलै आ ओकर दछिन कातसे सिरिया परदेस हैत हमसब टुरोस सहरमे एलियै। ओतै जहादसे मालसमान उतारल्‍कै आ हम्‍हुसब उतरलियै।

परेरित 25:3

आ पावलके यरुसलेम पठादिय कैहके बिन्‍ती करल्‍कै, कथिलेत उसब पावलके रस्‍तेमे मारैके योजना बनाइने रहै।

२ कोरन्‍थी 1:15

हमरा यि बातके पुरा भरोसा भेलाके कारन, तोरासबलग पहिने आबैके इक्‍छा करलियै ताकि तोरासबके दोबर फैदा हेबे।

२ कोरन्‍थी 11:26

हम बेर-बेर यातरा करैबखत लदिसबके, समुन्‍दरके, सहरके, उजार जगहके आ डाकुसबसे, आपने जाइतके लोकसबसे, आनजातके लोकसबसे, झुठा सिक्‍छकसबसे आबैबला खतरामे परलियै।

२ कोरन्‍थी 7:5

कथिलेकी हमसब माकेडोनिया एलाके बादो हमरासबके कोनो बिसराम नै मिल्‍लै महज चारु दिसनसे हमरासबके कस्‍ट एलछेलै, बाहरसे लोकसबसङे झगरा आ हिरदय भितर डरे-डर छेलै।

गलाती 1:21

तकरबाद हम सिरिया आ किलिकिया परदेसमे गेलियै।