परेरित 2:11 - मध्‍य पुरविया थारू

¹¹ केरेटके बासिसब आ अरेबियोसब छै, तब हम आपन-आपन भसामे परमेस्‍वरके महान कामसबके चरचा ओइसबके करैत सुनैचियै।”

परेरित 2:11 ပူးပေါင်းရင်းမြစ်များ

परेरित 2:10

तब फिरिगिया, पामफिलिया, मिसर आ लिबिया देसके एकटा कुरेनी सहर नजदिकके कतहेक ठामसब आ रोमसे एल्‍हा यहुदी आ यहुदी धरम मानेबलासब दुनु छै,

परेरित 2:12

उसब आस्‍चरजमे परलै आ अलमलमे पैरके एक दोसरके एहेन कहेलाग्‍लै, “अकर अरथ कथी चियै?”

परेरित 27:12

जार महिना बिताबैके लेल उ जहग उचित नै छेलै। अहै खातिर बहौत लोकसब कोनो भि हालतमे ओतेसे चैलके फोनिक्‍समे जार मास बिताइबै कैहके जहाद चलाबैले सल्‍लाह देल्‍कै। केरेट टपुके एक बन्‍दरगाह फोनिक्‍स चियै जकर मुहरा दछिन-पछिम आ उतर-पछिम तरफ घुमल छै।

परेरित 27:13

जब दछिन दिसरसे रसे-रसे हबा बहे लाग्‍लै तब उसब सोचल्‍कै कि आब हमसब जाइले सकब। जहाद चलाबैबलासब लङगर खोइलके केरेट टपुके काते-कात हैत जाइले लाग्‍लै।

परेरित 27:7

हमसब रसे-रसे अगा दिसन चललियै आ एकदम दिकतसे हमसब क्‍नीडसमे पुगलियै। हबा हमरासबके आगादिसन जाइले एकदमसे दिकत करलक। ओहै खातिर हमसब केरेट टपुके सहारा लैत सालमोनके पखा-पखा हैत गेलियै।

१ कोरन्‍थी 12:10

ओह्‍या पबितर आत्‍मा ककरो अचमके काम करैबला, ककरो अगमबानी बोलैबला, ककरो आत्‍मासब छुटयाबैबला, ककरो बहौत किसिमके भसासब बोलैबला आ ककरो भसासबके अरथ खोलैबला बरदान दैछै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

गलाती 1:17

हमरसे पहिन्‍का परेरितसबसङे सल्‍लाह लैले हम यरुसलेम नै गेलियै, महज तुरन्‍ते अरब देस गेलियै आ घुइमके दमस्‍कस सहरमे एलियै।

गलाती 4:25

हागार जे अरब देसके सिनै पहारके बुझल जाइछै तकर तुलना अखुन्‍का यरुसलेमसे करल जाइछै, कथिलेत उ आ ओकर सब बेटा-बेटीसब बेबस्‍थाके अधिनमे छै।

तितस 1:12

ओकरासबके एक गोरा अगमबक्‍तो एहेन कहनेछै, “केरेटके सबलोक हरदम झुठ बोलैबलासब, जङलके दुस्‍ट जानबरसब लखा स्‍वभाब भेल आ कोरहिया दलिदर लोकसब छै।”

तितस 1:5

हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

हिबरु 2:4

परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।