परेरित 19:22 - मध्‍य पुरविया थारू

²² तब पावल आपन दुइ सहकरमी, तिमोथी आ इरास्‍तसके उ माकेडोनियामे पठाइल्‍कै, महज आपने कुछदिन एसियेमे रहलै।

परेरित 19:22 ပူးပေါင်းရင်းမြစ်များ

परेरित 13:5

सलामिस सहरमे पुग्‍लाके बाद उसब ओते यहुदीसबके सभाघरमे परमेस्‍वरके बचन सुनाबे लाग्‍लै। यि काममे सहयोग करैले मरकुस कहाइबला युहन्‍ना ओकरौरके सङे रहै।

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 16:3

ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 19:29

तब पुरे सहरमे हुलदङा मच्‍लै आ उसब एकमत भ्‍याके पावलके सहकरमी माकेडोनिया बासि गायस आ अरिस्‍तारखसके पकैरके रङसालामे घिस्‍याइते ल्‍यागेलै।

परेरित 20:1

जब ओते हुलदङा सान्‍त भेलै तब पावल बिस्‍बासीसबके बोलाइल्‍कै आ उत्‍साहके बचनसब कैहके उसबसे बिदा भ्‍याके माकेडोनिया इलाका दिसन गेलै।

परेरित 20:34

तोरासबके थाहे छौ कि, हम आपन हाथके मेहनतसे आपन आ सङे रहैबला सङिसबके जरुरत पुरा करलियै।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

२ कोरन्‍थी 1:16

हम माकेडोनिया परदेस जाइबेर तोरासबसे भेटघाट करबौ आ माकेडोनियासे घुइमके आबैतो काल तोरासबलग एबौ आ ओतेसे यहुदिया परदेस जाइबेर तुसब हमर लेल बेबस्‍था मिलाइबिही कैहके हम चाहैछेलियै।

२ कोरन्‍थी 11:9

तोरासबसङे रहैतकाल जब हमरा घटि-कमी भेलै, तब हम ककरो बोझ नै बनलियै, कथिलेकी माकेडोनिया परदेससे एल भाइसब हमर घटि-कमी पुरा करल्‍कै। हम तोरासबके बोझ पैहनियो नै रहलियौ आ पाछुवो नै हेबौ।

२ कोरन्‍थी 2:13

महज हमर बिस्‍बासी भाइ तितस ओते नै भेटलाके कारन हमर मन बेचैन भेलै। तहैलेल ओइसबसे बिदा भ्‍याके हम माकेडोनिया परदेस दिसन गेलियै।

२ कोरन्‍थी 8:1

हे हमर पिरिय सङीसब, माकेडोनिया परदेसके मन्‍डलीसबमे परमेस्‍वरके देल अनुगरहके बिसयमे हमसब तोरासबके कहैले चाहैचियौ।

२ कोरन्‍थी 8:19

अतबे नै, अकरा जम्‍मा करल पैसा पुगाबैबला काममे हमरासबसङे जाइले मन्‍डलीसे छान्‍नेछै। यि काम हमसब परभुके महिमाके लेल आ हमरासबमे लोकसबके मदत करैबला मन छै से देखाइले करनेचियै।

१ थेसलोनिकी 1:8

तोरेसबके केबल माकेडोनिया आ अखैयामे मातरे नै महज परमेस्‍वरके बचन तोहरसबके बिस्‍बासके बात सेहो सब ठामसबमे फैलगेलै। अहैलेल अकर बारेमे औरो कुछो कहैके जरुरी नै छै।

२ तिमोथी 4:20

इरास्‍तस कोरिन्‍थेमे रैहगेलै। तरोफिमस बिमार भेलाके कारन हम ओकरा मिलेटसे सहरमे छोइर देलियै।