परेरित 18:7 - मध्‍य पुरविया थारू

⁷ तब पावल सभाघरसे निकललै आ तहियेसे यहुदीसबके सभाघरमे जाइले छोइरदेल्‍कै। ओहै सभाघरके कातमे परमेस्‍वरके भक्‍ति करैबला तितस युस्‍तस नामके लोकके घरमे गेलै।

परेरित 18:7 ပူးပေါင်းရင်းမြစ်များ

युहन्‍ना 9:31

हमसब जानैचियै कि परमेस्‍वर पापीसबके बात नै सुनैछै, महज ओकर आराधना करैबला आ ओकर इक्‍छा अनुसार काम करैबलाके बात परमेस्‍वर सुनैछै।

परेरित 10:2

उ परमेस्‍वरके भक्‍त छेलै। उ आ ओकर परिबारके सब सदस परमेस्‍वरके डर मानैबला लोकसब रहै। उ गरिबसबके उदारचितसे दान करैछेलै आ परमेस्‍वरसङे लगातार परथना करैतरहै छेलै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 13:42

जखुन पावल आ बरनाबास सभाघरसे बाहर निकलैत खिना आबैबला बिसरामके दिन यि बात सुन्‍या दैहे कैहके लोकसब ओइ दुनु गोराके बिन्‍ती करल्‍कै।

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

परेरित 17:4

ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

कलस्‍सी 4:11

युस्‍तस कहाइबला येसु सेहो तोरासबके गोरलगी पठाइनेछौ। परमेस्‍वरके राज बरहाइले हमरसङे काम करैबला यहुदीमे एह्‍या तिन गोरा मातर चियै। बास्‍तममे यि सब हमरा बहौत साहस देनेछै।