परेरित 18:5 - मध्‍य पुरविया थारू

⁵ सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 18:5 ပူးပေါင်းရင်းမြစ်များ

लुका 12:50

एकटा दुखके बप्‍तिस्‍मा हमरा लैले परतै। जाबेतक हम उ बप्‍तिस्‍मा नै लेबै ताबेतक हमरा चैन नै हेतै।

लुका 16:28

कथिलेत हम पाँच भैयारी चियै, उ ज्‍याके ओइसबके चेताबे नै त ओहोसब हमरे जखा एहिनङ दुखे दुख भेल जगहमे चैलएतै।’

युहन्‍ना 1:41

अन्‍दिरियास सबसे पहिने आपन भैया सिमोन पतरुसके भेटके कहल्‍कै, “हमसब मसिहके भेटलियै।” (हिबरु भसामे खिरिस्‍टके मसिह कहैछै।)

युहन्‍ना 10:24

यहुदी अगुवासब ओकर चारुकात जमा भ्‍याके कहल्‍कै, “अहाँ कहियातक हमरासबके दोधारमे राखबै? यदी अहाँ मुक्‍ती दैबला खिरिस्‍ट चियै त हमरासबके सत बात कैहदियौ।”

युहन्‍ना 15:27

तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

युहन्‍ना 3:28

‘हम मुक्‍ती दैबला खिरिस्‍ट नै चियै, महज हम ओकरसे पैहने पठाल लोक चियै’ जे हम कहलियौ से बातके तुसब आपनेसे सुन्‍ने चिही।

परेरित 10:42

सुसमाचार परचार करैले आ परमेस्‍वर येसुके जिबित आ मरलसबके नियाय करैले नियुक्‍त करने छै कैहके साक्‍छी दैले परमेस्‍वर हमरासबके आग्‍या करने छै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 16:12

ओतेसे फिलिप्‍पीमे एलियै, जे माकेडोनियाके परमुख सहर आ रोमके अधिनमे छेलै। कुछदिन हमसब ओतै रहलियै।

परेरित 16:9

ओहै रात पावल एकटा दरसन देखल्‍कै। जैमे माकेडोनिया इलाकाके एकटा लोक “दया कैरके माकेडोनिया आबु आ हमरौरके सहायता करु” कैहके बिन्‍ती करैतरहै।

परेरित 17:3

उ धरम सास्‍तरसे परमान द्‍याके ओइसबके अनङके अरथ खोइलके बुझहेल्‍कै, “मुक्‍ती दैबला परभु येसु खिरिस्‍टके दुख भोइगके मरे परतियै आ मरके जि उठे परतियै, तब अकरे सुसमाचार हम तोरौरके सुनाइचियौ, जे मुक्‍तीदैबला खिरिस्‍ट चियै।”

परेरित 18:28

कथिलेत ओते भेल्‍हा यहुदीसबसङे लोकसबके अगा तरक-बितरक करैतखिना उ धरमसास्‍तरके बातसब ल्‍याके परभु येसुवे मुक्‍ती दैबला खिरिस्‍ट चियै तकर परमान द्‍याके ओकरासबके चुप लगादेल्‍कै।

परेरित 2:36

“तै खातिर इजराएलके पुरे खानदान निकसे जाने कि येसु जकरा, तोहेसब कुरूसमे लटकेल्‍ही, परमेस्‍वर ओकरा परभु आ खिरिस्‍ट बनाइल्‍कै।”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 20:23

महज हम अतबे जानैचियै, कि हरेक सहरमे कैद आ सताबट भोगे परतै से बात हमरा पबितर आत्‍मा गबाही देने छै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 4:20

कथिलेत जे बात देखने चियै आ सुनने चियै हमसब नै कैहके नै रहे सक्‍बै।”

परेरित 9:22

महज साउलके परचार सक्‍तिसाली हैतगेलै आ येसुवे खिरिस्‍ट चियै से परमान द्‍याके दमस्‍कसमे रहैबला यहुदीसबके मुह बन्‍द कैरदेल्‍कै।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

२ कोरन्‍थी 11:9

तोरासबसङे रहैतकाल जब हमरा घटि-कमी भेलै, तब हम ककरो बोझ नै बनलियै, कथिलेकी माकेडोनिया परदेससे एल भाइसब हमर घटि-कमी पुरा करल्‍कै। हम तोरासबके बोझ पैहनियो नै रहलियौ आ पाछुवो नै हेबौ।

२ कोरन्‍थी 5:14

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।

फिलिप्‍पी 1:23

हम त दोधारमे परल चियै। बरु अइ सन्‍सारसे बिदा भ्‍याके खिरिस्‍टसङे रहैके हमर बरका इक्‍छाछै, कथिलेकी यि एकदम असल बात चियै।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।