परेरित 18:4 - मध्‍य पुरविया थारू

⁴ सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 18:4 ပူးပေါင်းရင်းမြစ်များ

लुका 16:31

अबराहम कहल्‍कै, ‘मोसा आ अगमबक्‍ताके पबितर धरमसास्‍तरमे लिखल बातके नै मान्‍तौ आ नै सुन्‍तौ त कोइ मरियो के जि जेतौ त उसब बिस्‍बास नै करतौ।’”

लुका 4:16

येसु नासरत गाममे एलै, जते उ बरहल छेलै। ओते उ पबितर बिसरामके दिन यहुदी सभाघरमे जाइ छेलै। पबितर धरमसास्‍तर परहैले ठार भेलै।

युहन्‍ना 7:35

ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

परेरित 13:14

महज उसब परगासे निकैलके पिसिदियाके एन्‍टिओखिया सहरमे एलै। ओते उसब बिसराम दिनमे यहुदीसबके सभाघरमे ज्‍याके रहलै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 17:11

ओतेका लोकसब थेसलोनिकेके लोकसबसे खुला बिचारके लोकसब रहै। उसब परमेस्‍वरके सुसमाचार एकदम धियान द्‍याके सुनै। पावलके कहलहा बातसब मिलैछै कि नै मिलैछै कैहके उसब हरेक दिन धरमसास्‍तर पढ़है आ जाँचै।

परेरित 17:17

उ यहुदीसबके सभाघरमे ज्‍याके यहुदी आ परमेस्‍वरके डर मानैबला गिरिक जातीके लोकसबसे बात-चित करै। ओहिनङे सबदिन बजारमे आबैबला लोकोसबसङे उ खौम बात-चित करै।

परेरित 18:13

“यि लोक अपनासबके नियमके बिरोधमे परमेस्‍वरके आराधना करैले सिखाइछै आ लोकसबके बहकाइछै।”

परेरित 18:19

जब उसब एफिसस सहरमे पहुचलै तब पावल पिरिस्‍किला आ अकिलासके ओते रहैले छोइरदेल्‍कै। तकरबाद पावल एफिससके सभाघरमे ढुइकके यहुदीसबसङे बात-चित करे लाग्‍लै।

परेरित 19:26

तुसब देखैचिही आ सुनैचिही, कि एफिससमे मातरे नै महज एसियाके पुरे परान्‍तमे हाथसे बन्‍याल देबिदेबता कुछो नै चियौ कैहके पावल बहुत लोकसबके बहक्‍याके लगेलछै।

परेरित 19:8

तब पावल यहुदी सभाघरमे गेलै आ साहसके साथ तिन महिनातक परमेस्‍वरके राजके बारेमे परचार आ बात-चित करैत लोकसबके बुझाइत रहलै।

परेरित 26:28

अगरिपास पावलके कहल्‍कै, “कि अहाँ हमरा थोरबेहेक समयमे खिरिस्‍टियन बनाबैले चाहैचियै?”

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।