परेरित 18:27 - मध्‍य पुरविया थारू

²⁷ तकरबाद अपोलस अखैया इलाकामे जाइके बिचार करल्‍कै। एफिससमे रहल परभुके बिस्‍बासीसब ओकरा जाइले उत्‍साह देल्‍कै तब अपोलसके स्‍वागत करिहे कैहके ओते रहैबला चेलासबके एकटा चिठी लिखके पठाइल्‍कै। अखैया पुगलाके बाद अपोलस ओते परभुके अनुगरहके कारन बिस्‍बास करैबलासबके बहौत सहायता करल्‍कै।

परेरित 18:27 ပူးပေါင်းရင်းမြစ်များ

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,

परेरित 11:26

जब बरनाबास टारससमे साउलके भेटलै तब ओकरा एन्‍टिओखियामे आनल्‍कै। उ दुनुगोरे पुरा एक बरिसतक ओतेका मन्‍डलीमे सङगती करैत रहलै। ओतेका बहौत लोकसबके सिक्‍छा देल्‍कै। सबसे पैहने एन्‍टिओखियामे खिरिस्‍टके बिस्‍बासीसबके इसाइ कहल्‍कै।

परेरित 15:34

[महज सिलास ओतै रहैके इक्‍छा करल्‍कै।]

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

परेरित 18:18

बहौत दिनतक पावल कोरिन्‍थके परभुमे बिस्‍बास करैबला बिस्‍बासीसब सङे रहलै। तकरबाद उ पिरिस्‍किला आ अकिलास सङे समुन्‍दरके रस्‍ता हैत सिरिया इलाका दिसन जाइले लाग्‍लै। कुछ समय पैहनिये कौबला करलाके कारन पावल किङकिरिया सहरमे पानी जहाद चरहैसे पैहने आपन केस कटाइल्‍कै।

परेरित 19:1

जखुन अपोल्‍लोस कोरिन्‍थ सहरमे छेलै तखुन पावल एसिया इलाकाके बिच रस्‍ता हैत एफिसस सहरमे पुग्‍लै। ओते उ बिस्‍बासीके भेटलै।

परेरित 9:27

महज बरनाबास साउलके आपनसङे परेरितसब लग ल्‍याके गेलै। तब साउल रस्‍तामे परभुके देखल आ परभु ओकरसङे बोलल आ दमस्‍कसमे साहसके साथ येसुके नाममे परचार करलहा बातसब ओइसबके कैहदेल्‍कै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 16:3

जब हम एबौ त तोरासबके जम्‍मा करल भेटी यरुसलेममे लजाइके लेल तोरासबके चुनल लोकके हम सिफारिस कैरके पठ्‍यादेबौ

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।

फिलिप्‍पी 1:25

हम एकदम निसचिन्‍त चियै कि तोरासबके बिस्‍बास आ आनन्‍द औरो बरहाबैके लेल हम बाच्‍बै आ तोरासबसङे रहबै,

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 2:12

कथिलेत बप्‍तिस्‍मा लैतखिना तुसब खिरिस्‍टसङे गारल गेल्‍ही आ मरलसे खिरिस्‍टके जियाइबला परमेस्‍वरके सक्‍तीमे बिस्‍बास करलाके कारनसे खिरिस्‍टसङे जिबित भेलचिही।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।