परेरित 18:26 - मध्‍य पुरविया थारू

²⁶ उ यहुदीसबके सभाघरमे निरधकसाथ सुसमाचार सुनाबे लाग्‍लै। ओकर सुसमाचार सुइनके पिरिस्‍किला आ अकिलास ओकरा आपन घरमे ल्‍यागेलै। ओते उसब परमेस्‍वरके मुक्‍तीके उपायके असलसे बखान कैरके बुझ्‍हा देल्‍कै।

परेरित 18:26 ပူးပေါင်းရင်းမြစ်များ

मरकुस 10:15

साच्‍चे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै परमेस्‍वरके राज भितर ढुकैले सक्‍तै।”

लुका 19:26

रजा कहल्‍कै, ‘हम तोरासबके कहैचियौ, जकरसङे छै ओकरा ओरौ बेसीसे देतै, महज जकरसङे नै छै तकर सङे कन्‍हिकरा जे रहतै ओहो छिनलेतै।

लुका 24:27

तब येसु ओइसबके मोसाके किताबसब आ सब अगमबक्‍तासबसे सुरु कैरके, धरमसास्‍तरमे आपन बारेमे लिखल सबबातसबके अरथ असलसे खोइलके बुझादेल्‍कै।

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

परेरित 14:3

पावल आ बरनाबास ओते बहौत दिनतक रहलै। उसब निडर भ्‍याके परभु येसुके खातिर परचार करैत रहलै। परभु ओकरासबके हाथसे चेन्‍हासब आ अच्‍चमके कामसब कैरके आपन किरपाके बिसयमे ओकरासबके परचारके सत ठहराइल्‍कै।

परेरित 18:18

बहौत दिनतक पावल कोरिन्‍थके परभुमे बिस्‍बास करैबला बिस्‍बासीसब सङे रहलै। तकरबाद उ पिरिस्‍किला आ अकिलास सङे समुन्‍दरके रस्‍ता हैत सिरिया इलाका दिसन जाइले लाग्‍लै। कुछ समय पैहनिये कौबला करलाके कारन पावल किङकिरिया सहरमे पानी जहाद चरहैसे पैहने आपन केस कटाइल्‍कै।

परेरित 18:25

अते ओकरा एफिससमे मुक्‍ती दैबला परभु येसुके बारेमे सिक्‍छा मिलल रहै। उ बहौत जोसके साथ येसुके बारेमे असलसे सिखाबैत रहै तैयो ओकर ग्‍यान बप्‍तिस्‍मा दैबला युहन्‍ना तकमे सिमीत छेलै।

परेरित 19:8

तब पावल यहुदी सभाघरमे गेलै आ साहसके साथ तिन महिनातक परमेस्‍वरके राजके बारेमे परचार आ बात-चित करैत लोकसबके बुझाइत रहलै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 8:31

तब उ बडा हाकिम जबाब देल्‍कै, “जाबेतक हमरा कोइ नै बुझाइतै ताबे तक हम कनङके बुझबै?” तब उ फिलिपके रथमे चहैरके हमरसङे बैठु कैहके बिन्‍ती करल्‍कै।

१ कोरन्‍थी 12:21

आँख हाथके, “हमरा तोहर कोनो जरुरी नै छै” कहैले नै सक्‍तै। तहिनङे मुर टाङके, “हमरा तोहर कोनो जरुरी नै छै” कहैले नै सक्‍तै।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 8:2

यदि कोनो लोक “हम जानैचियै” कहैछै त, बास्‍तममे उ जतेक जानैके चाही, उ जान्‍ने नै रहैछै।

हिबरु 6:1

ओहैसे खिरिस्‍टके बारेमे सुरुमे सिख्‍याल सिक्‍छासब छोइरके अपनासब परिपक सिक्‍छा दिसन बरहु। अपनासब मिरतुमे लजाइबला कामसबसे पस्‍चाताप आ परमेस्‍वरमे बिस्‍बास करैबला बात फेनसे नै कर।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।