परेरित 18:23 - मध्‍य पुरविया थारू

²³ कुछदिन तक ओतै रहलै। तकरबाद फेनो उ गलातिया आ फिरिगिया इलाकाके ठामसब हैत, सब ठाममे रहल परभुके बिस्‍बासीसबके बिस्‍बासमे बलगर बनाइत गेलै।

परेरित 18:23 ပူးပေါင်းရင်းမြစ်များ

लुका 1:3

माननिय थियोफिलस सुरुवेसे होसियारीसाथ सब चिजसबके तलासी करनेचियै आ तोहर लेल बिबरन मिल्‍याके लिखैले हमरा निक लागल,

लुका 22:32

महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”

लुका 22:43

तब स्‍वरगसे एकटा स्‍वरगदुत ओकरा सहयोग करैले ओकरलग देखाब देल्‍कै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 15:41

उसब सिरिया आ किलिकिया परदेसमे घुइम-घुइमके ओतेका बिस्‍बासीसबके बिस्‍बासमे मजगुत बनाइत गेलै।

परेरित 16:40

जहलसे निकललाके बाद पावल आ सिलास लिडियाके घरमे गेलै। ओते उसब परभुमे बिस्‍बास करैबला भाइ-भैयारीसब सङे भेटघाट करल्‍कै आ साहस द्‍याके ओतेसे बिदाह भेलै।

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 19:1

जखुन अपोल्‍लोस कोरिन्‍थ सहरमे छेलै तखुन पावल एसिया इलाकाके बिच रस्‍ता हैत एफिसस सहरमे पुग्‍लै। ओते उ बिस्‍बासीके भेटलै।

परेरित 2:10

तब फिरिगिया, पामफिलिया, मिसर आ लिबिया देसके एकटा कुरेनी सहर नजदिकके कतहेक ठामसब आ रोमसे एल्‍हा यहुदी आ यहुदी धरम मानेबलासब दुनु छै,

१ कोरन्‍थी 16:1

यरुसलेममे रहल परमेस्‍वरके जनसबके लेल भेटी जम्‍मा करैके बिसयमे हम गलातियाके मन्‍डलीसबके जे कहने छेलियौ तहिनङे तुहुसब कर।

गलाती 1:2

हम आ हमरसङे भेल सब भाइ-भैयारीसबके तरफसे गलातिया परदेसके मन्‍डलीसबके यि चिठी लिखैचियौ।

गलाती 1:9

हम यि बात पैहिनो कहनेचियौ आ अखुन्‍तो कहैचियौ, तोरौरके जे सुसमाचार सुइकार करनेचिही, ओइके उल्‍टा कोइ परचार करैछै त, उ लोक सरापित हेबे।

गलाती 4:14

ओइ बखत हम बिमार छेलियौ त तोरासबके दिकत भेलछेलौ, तैयो तुसब हमरा छि-छि आ दुर-दुर नै करलिही। महज उन्‍टे तुसब त परमेस्‍वरके एकटा दुत आ खिरिस्‍टे जखा हमरा स्‍वागत करलिही।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 4:18

अहैलेल यि बातसबसे एक दोसरके उत्‍साह दैत रह।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।