परेरित 17:4 - मध्‍य पुरविया थारू

⁴ ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

परेरित 17:4 ပူးပေါင်းရင်းမြစ်များ

युहन्‍ना 7:35

ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 15:27

अहै खातिर हमसब यहुदा आ सिलासके पठाइने चियौ। ओहो दुनुगोरा एह्‍या लिखल बातसब आपने मुहसे अहाँसबके कहत।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 15:40

तब पावल सिलासके छानल्‍कै। तकरबाद परभुमे बिस्‍बास करैबला भाइ-भैयारीसब ओइसबके परभुके किरपामे सौप देल्‍कै।

परेरित 16:3

ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

परेरित 17:10

ओहै दिन अन्‍हार हैत परभुमे बिस्‍बास करैबला भाइ-भैयारीसब पावल आ सिलासके बेरिया सहरमे पठाइल्‍कै। ओते पुग्‍लाकेबाद उसब यहुदी सभाघरमे गेलै।

परेरित 17:12

अहै कारन बहौत यहुदी लोकसब परभुमे बिस्‍बास करल्‍कै। तैहनङे बहौत नाम चलल असल गिरिक जनी आ मरदसब समेत परभुमे बिस्‍बास करल्‍कै।

परेरित 17:14

यि देखैत मातर बिस्‍बासी लोकसब पावलके तुरन्‍त समुन्‍दरके कात-करौतमे पठादेल्‍कै। महज सिलास आ तिमोथी ओतै बेरियेमे रैह गेलै।

परेरित 17:17

उ यहुदीसबके सभाघरमे ज्‍याके यहुदी आ परमेस्‍वरके डर मानैबला गिरिक जातीके लोकसबसे बात-चित करै। ओहिनङे सबदिन बजारमे आबैबला लोकोसबसङे उ खौम बात-चित करै।

परेरित 17:34

कुछ लोकसब पावल सङे लाइगके परभुमे बिस्‍बास करल्‍कै। ओइसबमेसे अरियोपागस सभाके डियनुसियस नामके सदस आ दामारिस नामके जनी रहै। अकरौरके अलाबा औरो कुछ लोक परभुमे बिस्‍बास करल्‍कै।

परेरित 18:4

सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 2:44

सब बिस्‍बासीसब एके ठाम रहैत रहै आ ओइसबके सब चिज सझिया रहै।

परेरित 21:28

चिच्‍याके कहेलाग्‍लै, “आबु, आबु इजराएली बाबु-भैयासब, मदत करु! एह्‍या लोक चियै जे, जते-तते ज्‍याके अपनासब इजराएलीसबके बिरोधमे बोलैबला! मोसाके नियमके नै मान आ मन्‍दिरमे पुजो नै कर कैहके सिखाइबला एह्‍या चियौ। अतबेहेकरा नै यि औरो जातीके लोकसबके मन्‍दिरमे ढुक्‍याके पबितरो जगहके अपबितर कैरदेनेछै।”

परेरित 28:24

कतहेक गोरा बुइझके बिस्‍बास करल्‍कै त, कतहेक गोरा नै करल्‍कै।

परेरित 4:23

ओतेसे छुटलाके बाद पतरुस आ युहन्‍ना आपन सङि-साथीसबलग एलै, मुल पुजारीसब आ अगुवासबके कहल बातसब ओइसबके सुनादेल्‍कै।

२ कोरन्‍थी 8:5

हमरासबके आसा करलसे बहौत बेसि उसब देल्‍कै। उसब पहिने आपनेके परभुमे अरपन करल्‍कै तरकरबाद परमेस्‍वरके इक्‍छा अनुसार आपनेके हमरासबके हाथमे सोइप देल्‍कै।