परेरित 17:31 - मध्‍य पुरविया थारू

³¹ कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

परेरित 17:31 ပူးပေါင်းရင်းမြစ်များ

मतीके लिखल सुसमाचार 10:15

साँचोके, हम तोरासबके कहैचियौ, नियाइके दिनमे ओइ सहरके दसासे बरु सदोम आ गमोराके दुख सहे जोकरके हेतै।

मतीके लिखल सुसमाचार 24:14

परमेस्‍वरके राजके यि सुसमाचार परचार सन्‍सार भैर करलजेतै, ताकि सब जातीके लोकसब सुनैके मौका पाबे, तकरबादे यि सन्‍सारके अन्‍त हेतै।

लुका 22:22

कथिलेत परमेस्‍वरके इक्‍छामे मानब पुतरके त मरैए परतै, महज धिक्‍कार ओइ लोकके, जे कोइ मानब पुतरके धोखा देतै।”

युहन्‍ना 12:48

जे हमरा आ हमर बचनके इन्‍कार करैछै तकरा नियाय करैबला एकगोरा छै। हमर बोलल बचनेसे अन्‍तके दिनमे ओइसबके उ नियाय कैरदेतै।

युहन्‍ना 16:10

उ परमेस्‍वरके अगामे धारमिकताके बारेमे कथी असल चियै, ओह्‍या देखादेतौ कथिलेत हम पितालग जाइचियौ। आबसे फेनो तुसब हमरा नै देखबिही।

युहन्‍ना 5:27

आ ओकरा नियाइयो करैबला अधिकार देनेछै, कथिलेत उ मानबके बेटा चियै।

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 17:32

लोकसब मैरके जि उठैछै से बात सुइनके ओतेका कतहेक लोक पावलके मजाक उराइल्‍कै। महज कोइ-कोइ कहल्‍कै, “यि बात फेनो हमसब सुनैले चाहैचियै।”

परेरित 17:6

महज उसबके पावल आ सिलास ओते नै भेटलै। तब उसब यासोन आ परभुमे बिस्‍बास करैबला औरो भाइ-भैयारीसबके घिस्‍याइत-तिरयाइत सहरके हाकिमसबके अगामे लज्‍याके जोरसे किलोल कैरके कहल्‍कै, “यीसब जे सन्‍सारके तहस-नहस कैररहलछै, यीसब अतौ आइबगेल छै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

हिबरु 6:2

बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।