परेरित 17:3 - मध्‍य पुरविया थारू

³ उ धरम सास्‍तरसे परमान द्‍याके ओइसबके अनङके अरथ खोइलके बुझहेल्‍कै, “मुक्‍ती दैबला परभु येसु खिरिस्‍टके दुख भोइगके मरे परतियै आ मरके जि उठे परतियै, तब अकरे सुसमाचार हम तोरौरके सुनाइचियौ, जे मुक्‍तीदैबला खिरिस्‍ट चियै।”

परेरित 17:3 ပူးပေါင်းရင်းမြစ်များ

लुका 24:32

उसब आपनमे बात करैत कहल्‍कै, “उ अपनासबके सङे बाटमे बातचित करैतखिना आ धरमसास्‍तरके अरथ खोइलदैतखिना कि अपनासबके मन खुसीसे गद-गद भेल नै रहौ?”

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

लुका 24:46

आ उसबके कहल्‍कै, “पबितर धरमसास्‍तरमे एहेन लिखल छै, मुक्‍ती दैबला खिरिस्‍टके दुख भोग्‍नाइ आ तेसर दिनमे जिके उठनाइ जरुरी छै,

युहन्‍ना 20:9

येसु मिरतुसे जिबित भ्‍याके उठयै परतै, पबितर धरमसास्‍तरमे लिखल बचन उसब अखुनतक नै बुझने छेलै।

परेरित 1:4

एकबेर जब उ ओइसबके सङे खाइले बैठलै, ओइसबके एहेन कैहके आग्‍या देल्‍कै, “तुसब यरुसलेम छोइरके कतौ नै जो, महज स्‍वरगके पिता पबितर आत्‍मा पठाइबौ कैहके करल परतिग्‍याके खातिर असियाल रह। यि त पैहने हमरसे तुसब सुइनलेने चिही।

परेरित 18:28

कथिलेत ओते भेल्‍हा यहुदीसबसङे लोकसबके अगा तरक-बितरक करैतखिना उ धरमसास्‍तरके बातसब ल्‍याके परभु येसुवे मुक्‍ती दैबला खिरिस्‍ट चियै तकर परमान द्‍याके ओकरासबके चुप लगादेल्‍कै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 3:18

तहिनङ येसुके दुख काटे परतै कैहके परमेस्‍वर अगमबक्‍ताके मुहसे करल अगमबानी पुरा करल्‍कै।

परेरित 9:22

महज साउलके परचार सक्‍तिसाली हैतगेलै आ येसुवे खिरिस्‍ट चियै से परमान द्‍याके दमस्‍कसमे रहैबला यहुदीसबके मुह बन्‍द कैरदेल्‍कै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।