परेरित 17:20 - मध्‍य पुरविया थारू

²⁰ कथिलेकी अहाँके मुहसे हमरौरके नै बुझहैबला लबका बातसब सुनैचियै। तै खातिर यि बातसबके मतलब कथी चियै से हमरासबके बताबु।”

परेरित 17:20 ပူးပေါင်းရင်းမြစ်များ

मरकुस 9:10

उसब यि बात मनेमे राखल्‍कै आ जिके उठनाइके मतलब कथी चियै से आपनेमे बतियाइले लाग्‍लै।

युहन्‍ना 6:60

यि बातसब सुइनके येसुके चेलासबमेसे बहुतो गोरा कहल्‍कै, “यि सिक्‍छा त एकदम करा छै। यि के माने सक्‍तै?”

परेरित 10:17

जब पतरुस सोइच रहल छेलै यि दरसनके अरथ कथी भ्‍यासकैछै, तहै बखत करनेलियसके पठाएल लोकसब पुछैत-पुछैत सिमोनके देहरीमे ठार भेलै,

परेरित 17:19

तब उसब पावलके अरियोपागसके सभामे लज्‍याके कहल्‍कै, “कि हमरासबके यि लया सिक्‍छाके बारेमे जाइन सकैचियै, जे अहाँ द्‍यारहलचियै।

परेरित 17:21

कथिलेत एथेन्‍सके लोकसब आ ओतै रहैबला आ दोसर देससे आबैबला लोकसब लबका-लबका बातसब कहैके आ सुनैके अलाबा दिनभैर औरो कोनो काम नै करै।

परेरित 2:12

उसब आस्‍चरजमे परलै आ अलमलमे पैरके एक दोसरके एहेन कहेलाग्‍लै, “अकर अरथ कथी चियै?”

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

हिबरु 5:11

अकर बारेमे तोरासबके कहैबला बहुतो बातसबछै, महज बुझैबला सक्‍ती मन्‍द भेल छौ, ओहैसे बुझाइले एकदम कठिनछै।

१ पतरुस 4:4

आब तुसब निरलज जिबन नै बिताइचिही से देखके उसब छक परैछै आ तोरासबके बदनाम करैछौ।