परेरित 17:2 - मध्‍य पुरविया थारू

² पावल आपन आदत अनुसार अहौ ठामके सभाघरमे गेलै। उ ओते तिन हप्‍ता तक पबितर बिसराम दिनमे धरमसास्‍तरमे लिखल बातसबमे ओइसबसङे बात-चित करैत रहलै।

परेरित 17:2 ပူးပေါင်းရင်းမြစ်များ

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।

लुका 4:16

येसु नासरत गाममे एलै, जते उ बरहल छेलै। ओते उ पबितर बिसरामके दिन यहुदी सभाघरमे जाइ छेलै। पबितर धरमसास्‍तर परहैले ठार भेलै।

युहन्‍ना 18:20

तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।

परेरित 13:14

महज उसब परगासे निकैलके पिसिदियाके एन्‍टिओखिया सहरमे एलै। ओते उसब बिसराम दिनमे यहुदीसबके सभाघरमे ज्‍याके रहलै।

परेरित 13:5

सलामिस सहरमे पुग्‍लाके बाद उसब ओते यहुदीसबके सभाघरमे परमेस्‍वरके बचन सुनाबे लाग्‍लै। यि काममे सहयोग करैले मरकुस कहाइबला युहन्‍ना ओकरौरके सङे रहै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 17:10

ओहै दिन अन्‍हार हैत परभुमे बिस्‍बास करैबला भाइ-भैयारीसब पावल आ सिलासके बेरिया सहरमे पठाइल्‍कै। ओते पुग्‍लाकेबाद उसब यहुदी सभाघरमे गेलै।

परेरित 17:17

उ यहुदीसबके सभाघरमे ज्‍याके यहुदी आ परमेस्‍वरके डर मानैबला गिरिक जातीके लोकसबसे बात-चित करै। ओहिनङे सबदिन बजारमे आबैबला लोकोसबसङे उ खौम बात-चित करै।

परेरित 18:4

सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 19:8

तब पावल यहुदी सभाघरमे गेलै आ साहसके साथ तिन महिनातक परमेस्‍वरके राजके बारेमे परचार आ बात-चित करैत लोकसबके बुझाइत रहलै।

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

परेरित 8:35

तब फिलिप पबितर धरमसास्‍तरके एह्‍या पाठसे सुरु कैरके ओकरा येसुके सुसमाचार सुनाइल्‍कै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

१ कोरन्‍थी 15:3

हम जे पाबलियै ओह्‍या सबसे मुख बिसयके रुपमे तोरासबके सोइप देलियौ, अरथात पबितर धरमसास्‍तर अनुसार खिरिस्‍ट अपनासबके पापके खातिर मरलै।