परेरित 16:31 - मध्‍य पुरविया थारू

³¹ तब उसब कहल्‍कै, “परभु येसुमे बिस्‍बास कर तब तु आ अहिनङ कैरके तोहर घर-परिबार उदार पाबतौ।”

परेरित 16:31 ပူးပေါင်းရင်းမြစ်များ

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

युहन्‍ना 1:12

जेसब ओकरा सुइकार करल्‍कै आ ओकरमे बिस्‍बास करल्‍कै, तैसबके उ परमेस्‍वरके धियापुता हैके हक देल्‍कै।

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

परेरित 16:15

जब उ आ ओकर घरके सबलोक बप्‍तिस्‍मा लेल्‍कै आ हमरासबके आगरह करल्‍कै, “यदी अहाँसब साँचोके हमरा परभुके बिस्‍बासी कहैचियै त हमर घरमे आइबके रहु।” आ उ हमरासबके जबरजस्‍ती करेलाग्‍लै ताकि हमसब ओकर घरमे जाइ।

परेरित 16:32

तब पावल आ सिलास ओकरा आ ओकर घरके लोकसबके परभुके बचन सुनाइल्‍कै।

परेरित 18:8

सभाघरके सासक किरिस्‍पस आ ओकर घरके सब लोकसब परभुमे बिस्‍बास करल्‍कै। कोरिन्‍थके औरो बहुतो लोकसब पावलके सुसमाचार सुइनके बिस्‍बास करल्‍कै आ बप्‍तिस्‍मा लेल्‍कै।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

रोमी 11:16

यदि रोटीके पहिन्‍का टुकरा परमेस्‍वरके चरहाइचियै त, उ सब रोटी पबितर हैछै। तहिनङे गाछके जैर पबितर छै त, तकर ठाइरसब सेहो पबितर हैछै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।