परेरित 16:19 - मध्‍य पुरविया थारू

¹⁹ जब ओइ छौरीके मालिकसब देखल्‍कै कि आब कमाइके रस्‍ता ओरागेलै तब उसब पावल आ सिलासके पकैरके घिसयाइते सहरके चौकमे सासकसबलग आनल्‍कै।

परेरित 16:19 ပူးပေါင်းရင်းမြစ်များ

मतीके लिखल सुसमाचार 24:9

“तब लोकसब तोरासबके पकैरके दुख दैकेलेल लजेतौ, तोरासबके मारतौ। तुसब हमरा बिस्‍बास करैके कारन सब जातीसब तोरासबके दुस्‍तौ।

मरकुस 13:9

“आपन बारेमे तुसब होसियार रह! कथिलेत उसब तोरासबके अड्‍डा खनामे लजेतौ, यहुदी सभाघरसबमे लज्‍याके पिटतौ। हमर नामके खातिर तोरासबके सासकसब आ रजासबके अगामे हमर गबाही दैले खरा हेब्‍ही।

परेरित 14:19

तकरबाद कुछ यहुदीसब एन्‍टिओखिया आ आइकोनियनसे ओते एलै आ लोकसबके आपन पक्‍छमे कैरके पावल उपर पथलबाही कराइल्‍कै। उ मरगेल हेतै कैहके ओकरा घिस्‍याइत लज्‍याके सहरसे बाहर फेकदेल्‍कै।

परेरित 14:5

तब गैर-यहुदीके लोक आ यहुदी लोकसब ओकरासबके आपने सासकसब सङे मिलके पावल आ बरनाबासके अपमान करैले आ पथलसे मारैके मन करल्‍कै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 15:26

यि दुनुगोरा एहेन लोकसब चियै, जे परभु येसु खिरिस्‍टके सेबाके खातिर आपन जानो तकके परबाह नै करने छै।

परेरित 15:40

तब पावल सिलासके छानल्‍कै। तकरबाद परभुमे बिस्‍बास करैबला भाइ-भैयारीसब ओइसबके परभुके किरपामे सौप देल्‍कै।

परेरित 16:16

जब हमरौरके परथना करैबला ठाममे ज्‍यारहल छेलियै, तब रस्‍तामे एकटा नोकरनी छौरी हमरासबके भेटलै। ओकरा भबिसके बात बताबैबला भुत आत्‍मा लागल छेलै। उ लोकसबके भागके बात कैहके आपन मालिकसबके खातिर बहौत पैसा कमाके दैछेलै।

परेरित 16:20

तब ओइसबके सहरके हाकिमसबलग आइनके कहल्‍कै, यि लोकसब यहुदी चियै, यीसब हमरौरके सहरमे उपदर मच्‍यारहलछै।

परेरित 16:25

महज अधा रातके पावल आ सिलास परथना करैत, भजन गाबैत परमेस्‍वरके परसन्‍सा करैतरहै, ओकरौरके परथना करैत परमेस्‍वरके भजन गाबैछेलै आ औरो जहलमे ढोकलहा कैदीसब सुनैत रहै।

परेरित 16:29

यि बात सुनैत मातर हाकिम इजोत मङ्‍याके दौरते भितर एलै आ डरसे थर-थर कापैत पावल आ सिलासके अगा ठेङहुनिया द्‍याके बैठलै।

परेरित 17:6

महज उसबके पावल आ सिलास ओते नै भेटलै। तब उसब यासोन आ परभुमे बिस्‍बास करैबला औरो भाइ-भैयारीसबके घिस्‍याइत-तिरयाइत सहरके हाकिमसबके अगामे लज्‍याके जोरसे किलोल कैरके कहल्‍कै, “यीसब जे सन्‍सारके तहस-नहस कैररहलछै, यीसब अतौ आइबगेल छै।

परेरित 21:30

एह्‍या बातसे बजार भैर होहल्‍ला मैचगेलै आ लोकसब चारुदिसनसे दौरते एलै। उसब पावलके पकैरके मन्‍दिर भितरसे घिसयाइते बाहर निकालल्‍कै तब मन्‍दिरके केबार लग्‍यादेल्‍कै।

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

परेरित 9:16

कथिलेकी हमर नामके खातिर ओकरा कतहेक दुख भोगे परतै, आब हम ओकरा देखाइबै।”

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

फिलिप्‍पी 1:30

जे दुख कस्‍ट हमरमे देखलिही आ हमरसङे छै कैहके सुनैचिही, वह्‍या दुख कस्‍टमे तुसब हमरसङे चिही।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

१ तिमोथी 6:10

कथिलेकी सब परकारके खराबी के जैर रुपैया-पैसाके मोह चियै। कतहेक गोरा अकर पछा लाइगके बिस्‍बाससे पछा हैट गेलछै आ उसब आपन उपर दुख कस्‍ट लाबने छै।

याकुब 2:6

महज तुसब त गरिबसबके अपमान करनेचिही। कि धनिक लोकसब तोरासबके अत्‍याचार नै करैछौ? कि उसब तोरासबके अदालतके अगा घिस्‍याइत नै लजाइछौ से?