परेरित 16:17 - मध्‍य पुरविया थारू

¹⁷ उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

परेरित 16:17 ပူးပေါင်းရင်းမြစ်များ

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

मतीके लिखल सुसमाचार 8:29

उसब चिच्‍याके कहल्‍कै, “हे परमेस्‍वरके बेटा, हमरासबसे अहाँके कोन काम? कि समयसे पहिने अहाँ हमरासबके सताबैले एलचियै?”

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मरकुस 12:14

उसब येसु लग आइबके कहल्‍कै, “गुरु जी, हमसब जानैचियै कि, अहाँ सहि बात बोलैचियै आ ककरो पक्‍छपात नै करैचियै। अहाँ त परमेस्‍वरके सत-सत बात सिखाइचियै। आब हमरासबके कहु, हमसब कैसरके कर तिरबै से उचित छै कि नै?”

मरकुस 5:7

तब उ जोर-जोरसे हल्‍ला करैत कहल्‍कै, “हे, महान परमेस्‍वरके बेटा येसु, अहाँके हमरसे कोन सरोकार? अहाँ परमेस्‍वरके किरिया खाके कहु कि हमरा आब दुख नै देबै।”

लुका 1:77

‘कनङके पापसे छमा पाइबके मुक्‍ती पाबबिही’ से बात तु ओकर लोकसबके कहबिही।

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

लुका 20:21

तब उसब येसुके फसाइले पुछल्‍कै, “गुरु जी, हमसब जानैचियै, अहाँ सहि बात बोलैचियै, असल बात सिखाइचियै आ ककरो पक्‍छपात नै करैचियै, महज अहाँ त सत्‍यतासे परमेस्‍वरके रस्‍ता देखाइचियै।

लुका 4:34

“हौ नासरतके येसु अहाँसे हमरासबके कोन काम? अहाँ हमरासबके बरबाद करैले एलचियै? अहाँके चियै कैहके हमरा थाहछै, अहाँ परमेस्‍वरसे पठेल्‍हा एकटा पबितर जन चियै।”

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।

लुका 8:28

येसुके देखके उ चिच्‍याके ओकर अगा ठेङहुनिया दैत कहल्‍कै, “हे सबसे बरका परमेस्‍वरके बेटा येसु, अहाँ हमरसे कथी चाहैचियै? हम अहाँके गोर लागैची, हमरा नै सताबु।”

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

परेरित 18:26

उ यहुदीसबके सभाघरमे निरधकसाथ सुसमाचार सुनाबे लाग्‍लै। ओकर सुसमाचार सुइनके पिरिस्‍किला आ अकिलास ओकरा आपन घरमे ल्‍यागेलै। ओते उसब परमेस्‍वरके मुक्‍तीके उपायके असलसे बखान कैरके बुझ्‍हा देल्‍कै।

परेरित 19:13

महज कुछ अने-ओने घुमफिर करैबला यहुदी झार-फुक करैबलासब भुत-आत्‍मा लागलसबके परभु येसुके नाम लैत एहेन कहै, “पावलके परचार करल येसुके नाममे हम तोरा आग्‍या करैचियौ।”

१ पतरुस 2:16

तुसब स्‍वतन्‍तर लोक जखा जिबन बिता। आपन स्‍वतन्‍तरताके खराब काम करैके लेल बहना नै बना, महज परमेस्‍वरके दास भ्‍याके असल काम कर।

२ पतरुस 2:2

बहुतो गोरे ओकरसबके निरलज चालचलन अपनाइतै आ ओइसबके कारन सत सिक्‍छाके बदनाम करतै।