परेरित 16:1 - मध्‍य पुरविया थारू

¹ पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 16:1 ပူးပေါင်းရင်းမြစ်များ

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 14:21

बरनाबास आ पावल डरबी सहरमे परचार कैरके बहौतके परभु येसुके चेला बनाइल्‍कै। तकरबाद उसब लुस्‍तरा, आइकोनियन आ पिसिदिया इलाकाके एन्‍टिओखियामे घुइमके एलै।

परेरित 14:6

महज यि बात पावल आ बरनाबास बुझ लेल्‍कै, तब तुरन्‍त लुकोनिया इलाकाके लुस्‍तरा आ डरबीके सहर दिसन भाइगके गेलै,

परेरित 17:14

यि देखैत मातर बिस्‍बासी लोकसब पावलके तुरन्‍त समुन्‍दरके कात-करौतमे पठादेल्‍कै। महज सिलास आ तिमोथी ओतै बेरियेमे रैह गेलै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परेरित 19:22

तब पावल आपन दुइ सहकरमी, तिमोथी आ इरास्‍तसके उ माकेडोनियामे पठाइल्‍कै, महज आपने कुछदिन एसियेमे रहलै।

रोमी 16:21

हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।

१ कोरन्‍थी 16:10

तिमोथी तोरासबलग एतौ त, ओकरा कोनो किसिमके दिकत हैले नै दिहे, कथिलेकी ओहो हमरे जखा परभुके काम करैछै।

१ कोरन्‍थी 4:17

अहैसे हम तोरासबलग तिमोथीके पठाबैचियै। उ परभुमे हमर पिरिय आ बिस्‍बासयोग्‍य बेटा चियै। हम सबठाम आ मन्‍डलीमे सिख्‍याल अनुसार खिरिस्‍ट येसुमे हमर जिबन केहन छेलै, से बात उ तोरासबके बतेतौ।

१ कोरन्‍थी 7:14

कथिलेत बिस्‍बास नै करैबला घरबला आपन बिस्‍बास करैबाली घरबालीके कारनसे पबितर हैछै आ बिस्‍बास नै करैबाली घरबाली आपन बिस्‍बास करैबला घरबलाके कारनसे पबितर हैछै। नै त ओइसबके धिया-पुतासब असुध हेतियै महज आब उसब परमेस्‍वरमे पबितर रहैछै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

फिलिप्‍पी 2:19

परभु येसुके इक्‍छा हेतै त हम जल्‍दिए तिमोथीके तोरासबलग पठाबैके आसा करैची, ताकी तोरासबके हाल-समाचार सुइनके हम्‍हु खुसी हैले सकी।

कलस्‍सी 1:1

हम पावल, परमेस्‍वरके इक्‍छासे येसु खिरिस्‍टके परेरित आ अपनासबके भाइ तिमोथीके तरफसे,

१ थेसलोनिकी 1:1

हम पावल, सिलास आ तिमोथीयोके तरफसे परमेस्‍वर पिता आ परभु येसु खिरिस्‍टमे यि चिठी लिखैचियौ। परमेस्‍वर थेसलोनिकीके मन्‍डलीसबके अनुगरह आ सान्‍ती देबे।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।

२ थेसलोनिकी 1:1

हम पावल, सिलास आ तिमोथीके तरफे परमेस्‍वर पिता आ परभु येसु खिरिस्‍टमे यि चिठी लिखैचियौ।

१ तिमोथी 1:18

हमर बेटा तिमोथी, तोहर बारेमे पहिने करल अगमबानी बमौजी हम तोरा यि कहैचियौ कि तु सब बात पालन कर ताकि निडर भ्‍याके उतम लराइ लरैले सकबिही।

१ तिमोथी 1:2

बिस्‍बासमे हमर साँचोके बेटा तिमोथीके चिठी लिखरहलचियै। अपनासबके परमेस्‍वर पिता आ परभु येसु खिरिस्‍टसे तोरा अनुगरह, किरपा आ सान्‍ती मिले।

२ तिमोथी 1:2

हम आपन पिरिय बेटा तिमोथीके यि चिठी लिखैचियै। परमेस्‍वर पिता आ आपनसबके परभु येसु खिरिस्‍ट तोरा अनुगरह, किरपा आ सान्‍ती देबे।

२ तिमोथी 1:5

हम तोहरमे भेल निसकपट बिस्‍बासके याद करैचियौ। जे बिस्‍बास तोहर नानी लोइस आ तोहर माँ युनिसमे छेलौ। हमरा पुरा बिस्‍बास छै, जे उ बिस्‍बास तोरोमे छौ।

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।

फिलेमोन 1:1

हम पावल, येसु खिरिस्‍टके बारेमे सुसमाचार परचार कैरके जहलमे परल आ अपनासबके बिस्‍बासी भाइ तिमोथीयोके तरफसे अपनेसबके जखा काम करैबला पिरिय फिलेमोनके लेल,

हिबरु 13:23

तोरासबके यि थाह दैले चाहैचियौ कि, अपनासबके भाइ तिमोथी जहलसे छुटलछै। यदि उ जल्‍दिए एतै त हम ओकरासङे ल्‍याके तोरासबके भेट मुलकात करैले एबौ।